ވެލައްސަރު ރިސޯޓް ކައިރިން ދިވެއްސަކު ނިޔާވެފައި އޮއްވާ ފެނިފައިވާކަމަށް ދިވެހި ފުލުހުންގެ ޚިދުމަތުން ހާމަކޮށްފިއެވެ.

ފުލުުހުން ވިދާޅުވީ، ވެލައްސަރު ރިސޯޓު ކައިރި ކަނޑުމަތިން މީހަކު ނިޔާވެފައި އޮއްވާ ފެނުނު ކަމަށް ބުނެ ބުރާސްފަތި ދުވަހުގެ ހެނދުނު 9:11 ކަން ހާއިރު އެ އިދާރާއަށ ރިޕޯޓްކޮށްފައިވާ ކަމަށެވެ.

ނިޔާވެފައި އޮއްވާ ފެނުނު މީހާއަކީ އުމުރުން 35 އަހަުގެ ދިވެއްސެއް ކަމަށް އެ ފުލުހުންގފެ މީޑިއާ އޮފިޝަލުން ވަނީ މައުލޫމާތު ދީފައެވެ.

ނިޔާވެފައި އޮއްވައި ފެނިފައި ވަނީ ކ. އަތޮޅު ރިސޯޓެއްގައި މަސައްކަތް ކުރާ ފިރިހެނެއް ކަމަށް މިހާތަނަށް ބެލި ބެލުމުން އެނގިފައިވާ ކަމަށްވެސް ފުލުހުން މައުލޫމާތު ދީފައިވެއެވެ.

މީގެ އިތުރުން ފުލުހުންގެ މީޑިއާ އޮފިޝަލް ވިދާޅުވީ ފުލުހުން މިހާރު އެ މައްސަލަ ތަހުގީގު ކުރަމުން ދާކަމަށެވެ.