ސަރުކާރު ހިންގާ  ޕީޕަލްސް ނެޝަނަލް ކޮންގްރެސް(ޕީއެންސީ)ގެ މެމްބަރުން ރައީސް ޑރ. މުޙައްމަދު މުޢިއްޒުގެ އެންގެވުމާ ޚިލާފަށް އަދުރޭ އަށް ވޯޓު ދީފައިނުވާކަން ހާމަވެއްޖެއެވެ.

20 ވަނަ ރައްޔިތުންގެ މަޖިލީހުގެ މެމްބަރުން މިއަދު ހުވާކުރައްވާފައިވާއިރު، ފުރަތަމަ ދައުރުގެ ފުރަތަމަ ޖަލްސާގައި މިއަދު އެންމެ ފުރަތަމަ އޮތީ މަޖިލީހުގެ ރައީސާއި ނައިބް ރައީސް ހޮވުމެވެ.

ވޯޓުގައި ލ. ފޮނަދޫ ދާއިރާގެ އިންތިޚާބު ކާމިޔާބު ކުރެއްވި އަބްދުއްރަހީމް އަބްދުﷲ އަށް ލިބިވަޑައިގަތީ 71 ވޯޓެވެ.

އެމްޑީޕީގެ ޕީޖީ ލީޑަރު އިބްރާހިމް ނާޒިލް އަށް ލިބިވަޑައިގެންނެވީ 14 ވޯޓެވެ.

ބާތިލް 7 ވޯޓު އޮތް އިރު، މަޖިލީހުގެ މެމްބަރުންގެ އަދަދަކީ 93 އެކެވެ.

އެގޮތުން ސަރުކާރު ހިންގާ ޕާޓީ ޕީއެންސީގައި 75 މެންބަރުންގެ ތިބިއިރު، އެމްޑީޕީއަށް ނިސްބަތްވާ 12 މެންބަރުން އެބަ ތިއްބެވެ.

ޕީއެންސީގެ 75 މެންބަރުންގެ ތެރެއިން ހަތަރު މެމްބަރުން އަބްދުއްރަހީމަށް ވޯޓު ނުދެއްވައެވެ. އިތުރުން މަޖިލީހުގައި ތަމްސީލް ކުރަނީ އެމްޑީއޭއާއި އެމްއެންޕީގެ އިތުރުން ޖޭޕީއެވެ.

މި ހުރިހާ ޕާޓީތަކަކީ ވެސް ސަރުކާރުގެ ބައިވެރިންނެވެ. މީގެތެރެއިން ދެމެމްބަރަކު މިވަނީ ސަރުކާރާ ދެކޮޅަށް ވޯޓު ދެއްވައިފައެވެ.