މޫސުން ގޯސްވެ މުޅި ރާއްޖެއަށް މޫސުމާ ބެހޭ ގައުމީ އިދާރާ (މެޓް އޮފީސް)އިން ރީނދޫ ސަމާލު ނެރެފިއެވެ.

އެ އިދާރާއިން ވަނީ މިއަދު ހެނދުނު 10:30 ހުން ފެށިގެން މެންދުރު 14:30 ގެ ނިޔަލަށް މުޅި ރާއްޖެއަށް ރީނދޫ ސަމާލު ނެރެެފައިއެވެ.

މި ވަގުތުތަކުގައި އެތޮޅުތަކަށް ބޯކޮށް ވާރޭ ވެހުމާއިއެކު ގުގުރާނެ ކަމަށާއި ކަނޑުތައް ގަދަވާނެކަމަށް ލަފާކުރެވޭކަމަށްވެސް މެޓުން ބުންޏެވެ.

މޫސުން ގޯސްވެފައި ވާ ދުވަސްކޮޅެއްކަމުން ހުރިހާ ރައްޔިތުންވެސް ދިމާވެދާނެ ހާދިސާއަކުން ސަލާމަތްވުމަށް އަޅަންޖެހޭ ސަލާމަތީ ފިޔަވަޅުތައް އެޅުމަށް މެޓުންނާއި އެހެނިހެން ކަމާބެހޭ އިދާރާތަކުން އަންނަނީ އިލްތިމާސްކުރަމުންނެވެ.

ފެންބޮޑުވުން ފަދަ ހާދިސާއަކުން ދިމާވެދާނެ ގެއްލުންތަކުން ރައްކާތެރިވުމަށްވެސް މެޓުންނާއި ނޭޝަނަލް ޑިސާޒްޓާ މެނޭޖުމަންޓު އޮތޯރިޓީއިން އަންނަނީ ގޮވާލަމުންނެވެ.