މާލެ ސިޓީގެ ބުރުޒު މަގުގައި ދެ ސައިކަލެއް ޖެހި ހިނގި ނުރައްކާތެރި އެކްސިޑެންޓެއްގައި އެކަކަށް ސީރިއަސް އަނިޔާތަކެއްވެ ފަރުވާދެމުން އަންނަ ކަމަށް ފުލުހުން ވިދާޅުވެއްޖެއެވެ.

ފުލުހުން ބުނެފައިވަނީ، ބުރުޒުމަގު ޓީވީއެމް ކުރިމަތީގައި ދެ ސައިކަލެއް ޖެހި އެކްސިޑެންޓެއް ހިނގާފައިވާ ކަމަށް މިއަދު 10:39 ހާއިރު ރިޕޯޓް ކޮށްފައިވާ ކަމަށެވެ.

މި އެކްސިޑެންޓްގައި ހަތަރު ފަރާތަކަށް އަނިޔާވެފައިވާއިރު، އޭގެ ތެރެއިން އަނިޔާވި ފަރާތަށް އައިޖީއެމްއެޗް ގައި ފަރުވާދެމުން އަންނަ ކަމަށްވެސް ފުލުހުން މައުލޫމާތު ދީފައިވެއެވެ. މި މީހާ އަކީ ދިވެހި ފިރިހެނެކެވެ.

މި މައްސަލަ އިތުރަށް ތަހުގީގު ކުރަމުން އަންނަ ކަމަށާއި މައްސަލަ ކުރިއަށްދާ ވަރަކުން މައުލޫމާތު ހިއްސާ ކުރާނެ ކަމަށް ފުލުހުން ބުނެފައިވެއެވެ.