ސިނަމާލެ ބުރިޖާ ދިމާލުން ކަނޑުމަތިން އޮޔާދަނިކޮށް މިދިޔަ ހޮނިހިރު ދުވަހު މަރުވެފައި އޮއްވާ ފެނުނީ ނޭޕާލުގެ 25 އަހަރުގެ އަންހެނެއް ކަމަށް ފުލުހުން ހާމަކޮށްފިއެވެ.
ހޮނިހިރު ދުވަހުގެ މެންދުރު 12:30 ހާ ކަން އިރު މީހެއްގެ ހަށިގަނޑު ސިނަމާލެ ބުރިޖާ ދިމާލުން އޮޔާ ދާކަމުގެ މައުލޫމާތު ފުލުހުންނަށް ލިބުމާއެކު ފުލުހުންގެ ޓީމަކުން ގޮސް އެ ހަށިގަނޑު ނަގައިގެން އައިޖިއެމްއެަޗަށް ގެންދިޔަ ކަމަށް މައުލޫމާތު ހިއްސާކޮށްފައިވެއެވެ.
ނަމަވެސް އެ ހަށީގަނޑު އައިޖީއެމްއެޗަށް ގެންދިޔައިރުވެސް އެމީހާ އޮތީ މަރުވެފައި ކަމަށާ އެއީ އަންހެނެއް ކަމަށް ފުލުހުން ހާމަކޮށްފައިވެއެވެ.
އެކަމާ ގުޅިގެން ހާމަކުރި އަދާހަމައިގައި ފުލުހުން ބުނެފައިވަނީ އެ މީހާއަކީ ނޭޕާލު އަންހެނެއް ކަމަށެވެ. އެ މީހާގެ މަރާ ގުޅިގެން ޝައްކު ކުރެވޭ އެއްވެސް ކަމެއް މިހާތަނަށް ފުލުހަށް ފާހަގަވެފައި ނުވާ ކަމަށާ އަދި މިހާރު އެ މީހާގެ އާއިޅާއާ މައުލޫމާތު ހިއްސާކޮށްފައިވާނެ ކަމަށްވެސް ފުލުހުން ހާމަކޮށްފައިވެއެވެ.
