މިފްކޯގެ މުވައްޒިފުންނަށް މުސާރަ ޖަމާކުރިއިރުވެސް މަސްވެރިންގެ ފައިސާ އަދިވެސް ދޫކޮށްފައި ނުވާތީ އެކަމުގެ ޝަކުވާ މަސްވެރިން އަނެއްކާވެސް ކުރަން ފަށައިފިއެވެ.

އޭޕްރީލް 22 ވަނަ ދުވަހު މަސްވެރިންނަށް ފައިސާ ދޫކޮށްފައިވާއިރު، އަދިވެސް މަސްވެރިންނަށް ދޭން ޖެހޭ 62 މިލިއަން ރުފިޔާ ނުދީ ސަރުކާރުން ވަނީ ހިފަހައްޓާފައެވެ. ދުވަހަކަށް ވުރެ ދުވަހެއް މި އަދަދު ދަނީ މަތިވަމުންނެވެ.

ދޭހާ އަތްވެއްގައި ވެހޭހާ ވާރޭ އެއްގައި މަސްވެރިންވެސް އެމީހުންގެ އާއިލާތަކުގެ އަސާސީ ބޭނުންތައް ފުއްދުމަށް މަސައްކަތް ކުރަމުންދާއިރު، މަސްކިރާފައި އެ ފަރާތްތަކަށް ލިބެންޖެހޭ ފައިސާ ހޯދަން ސަރުކާރަށް ކޮންމެ ފަހަރަކު މިޖެހެނީ އާދޭސް ދަންނަވާށެވެ. ދައުލަތުގެ މާލީ ޚަރަދުތައް އިންތިހާއަށް މައްޗަށް ގޮސް ސަރުކާރު ހިންގަމުންދަނީ އެކުވެރި ގައުމުތަކުގެ އެހީތެރިކަމާއި އެކު ކަމަށް މާލިއްޔަތާއި ބެހޭ ވަޒީރު ވަނީ ވަރަށް ފަހުން މައުލޫމާތު ހިއްސާކޮށްފައެވެ. އެހެންކަމުން، މަސްވެރިން ފައިސާ ނުލިބި ކުރިއަށް އޮތް 6 މަސް ހޭދަކުރަން ޖެހިދާނެ ކަމަށް ގިނަ ފަރާތްތަކުން ދަނީ ބުނަމުންނެވެ.

މަސްވެރިކަމަކީ ދިވެހި ދައުލަތަށް ފައިސާ ވަންނަ އެންމެ މުހިންމު އެއް ދާއިރާއަށް ވާއިރު، މަސްވެރިކަން ކުރާ ފަރާތްތަކަށް މިހާ ނިކަމެތިކޮށް ހިތާ ވެރިކަމެއް މި ނޫނީ ދިވެހިން ނުދެކޭކަމާއި މެދު އެއްވެސް ޝައްކެތް ނެތެވެ.

މީގެ އިތުރުން، ކުރިއަށް އޮތް އަހަރު ތަކުގައި މަސްވެރިކަން ކުރުމަށް ކަނޑު މައްޗަށް ނުކުންނަ ފަރާތްތައްވެސް މަދުވެގެންދާނެ ކަމަށް ކަމާއި ބެހޭ ތަޖުރިބާކާރުން ދަނީ ލަފާކުރަމުންނެވެ. ފކުރާ މަސައްކަތުގެ އުޖޫރައެއް ނުލިބޭ ދާއިރާއަކަށް އަލަށް ނުކުންނަ ޒުވާނުންވެސް ބެނުމެއް ނުވާނެކަން ގައިމެވެ.