ސަރުކާރުގެ ކަރަންޓް ކުންފުނި "ސްޓެލްކޯ" އިން ނިމިދިޔަ މަހު ކަރަންޓް ބިލުން މަކަރު ހަދާފައިވާކަން ހާމަވެއްޖެއެވެ.
ސްޓެލްކޯއިން ފުރަތަމަ ފޮނުވި ބިލްތަކުގައި އޮތީ މާޗް މަހުގައި ކަރަންޓަށް އެރިވަރެވެ.
މައުލޫމާތު ލިބުނު ގޮތުގައި އެކަން ކޮށްފައިވަނީ ރީޑިންގ ވެސް ނުނަގައެވެ. ފަހުން ބިލް ވަނީ އަނެއްކާ ބަދަލުކޮށްފައި ފޮނުވާފައެެވެ. ކުރީގެ މަސްތަކަށް ވުރެ ދެގުނަ ބޮޑުކޮށްކަން ފާހަގަކޮށްލެވެއެވެ.
ސްޓެލްކޯ އިން ކަރަންޓް ބިލްތައް ބޮޑުކުރަނީ އޭސީ، ޓީވީ ފަދަ ތަކެތިން އެ ތަކެއްޗަށް ބޭނުންވާ ވަރަށްވުރެ ދޭ ކަރަންޓު ނުވަތަ ވޯލްޓޭޖް ޖަނެރޭޓަރުތަކުން މަދު ކޮށްލަނީއެވެ. އެހެން ހެދުމުން މިތަކެއްޗަށް ބޭނުންވާ ވަރަށް ވުރެ މަދުކޮށް ކަރަންޓް ދޫކުރުމުން އިތުރަށް ކަރަންޓް ހޯދުމަށް އެތަކެތި މަސައްކަތް ފަށައެވެ.
އޭގެ ބާރު މީޓަރަށް ކުރުމުން ނަތީޖާއަކަށް ވަނީ ކަރަންޓް ބޭނުން ކުރާ މިންވަރު އިތުރުވެފައިވާކަމަށް ބިލުން ދެއްކުމެވެ.
ކަރަންޓް އެއްވެސް ވަރަކަށް ބޭނުން ނުކުރާ ފަރާތްތަކުގެ ގެއިން ވެސް ކަރަންޓް ބިލް ވަނީ ބޮޑުވެފައެވެ. މިކަމާ ގިނަ ފަރާތްތަކުން އަންނަނީ ސްޓެލްކޯއަށް ފާޑުކިޔުން އަމާޒުކުރަމުންނެވެ.
