ރާއްޖޭގައި އިހުސާސްކުރެވޭ ފިނި ހޫނުމިން މިހާރު ހުރީ 40 ޑިގްރީ ސެލްސިއަސްއިން މަތީގައި ކަަމަށް، ރާއްޖޭގެ މޫސުމާ ބެހޭ ގައުމީ އިދާރާ(މެޓް)އިން ހާމަކޮށްފިއެވެ

މެޓް އޮފީހުން ކުރި ބުނި ގޮތުން ހދ. ހަނިމާދޫގެ ފިނިހޫނުމިން 31.5 ޑިގްރީ ސެލްސިއަސްގައި ހުރިއިރު، އިހުސާސް ކުރެވޭ ފިނިހޫނުމިން ހުރީ 43.4 ޑިގްރީ ސެލްސިއަސްގައެވެ. މާލެ ސަރަހައްދަށް ފިނިހޫނުމިން 31.8 ޑިގްރީ ސެލްސިއަސްގައި ހުރިއިރު، އިހުސާސް ކުރެވޭ ފިނިހޫނުމިން ހުރީ 43.2 ގައެވެ.

ލ.ކައްދޫ ފިނިހޫނުމިން 32 ޑިގްރީ ސެލްސިއަސްގައި ހުރިއިރު، އިހުސާސް ކުރެވޭ ފިނިހޫނުމިން ހުރީ 43.1 ޑިގްރސީ ސެލްސިއަސްގައެވެ. ގދ. ކާޑެއްދޫގައި ފިނިހޫނުމިން 32.2 ޑިގްރީ ސެލްސިއަސްގައި ހުރިއިރު، އިހުސާސް ކުރެވޭ ފިނިހޫނުމިން ހުރީ 42.2 ޑިގްރީ ސެލްސިއަސްގައެވެ.

ސ، ގަމުގައި ފިނިހޫނު މިން ހުރީ 32.4 ޑިގްރީ ސެލްސިއަސްގައެވެ. އަދި އިހުސާސް ކުރެވޭ ފިނިހޫނުމިން ހުރީ 41.8 ޑިގްރީ ސެލްސިއަސްގައެވެ.