ގެއްލުވާލައިފައިވާ މީހުންނާއި މަރާލައިފައިވާ މީހުންގެ މައްސަލަތައް ބަލަން ހަދާފައިވާ މަރު ކޮމިޝަނުން ބަލަން ފަށާފައިވަ މައްސަލަތައް ނުނިމެނީސް، އެ ކޮމިޝަންގެ މަސައްކަތްތައް ނިމިފައިވާ ކަމަށް ބުނެ ރައީސުލްޖުމްހޫރިއްޔާ ޑރ.މުހައްމަދު މުއިއްޒު މަރު ކޮމިޝަން އުވާލައްވާފިއެވެ.
ކުރީ ސަރުކާރުން އުފެއްދި މި ކޮމިޝަނުން 27 މައްސަލައެއް ބަލަން ފެށި ނަމަވެސް ތަހުގީގު ރައީސް އޮފީހާއި ހަމައަށް ފޮނުވާފައިވާ މައްސަލަ 10 އަކަށްވެސް ނާރާ ކަމަށް މައުލޫމާތު ހޯދިފައިވެއެވެ.
ނަމަވެސް އެ ކޮމިޝަން އުވާލައްވަމުން ރައީސް ނެރުއްވާފައިވާ ރިޔާސީ ގަރާރުގައި ވިދާޅުވެފައިވަނީ އެ ކޮމިޝަނަށް ހަވާލުކޮށްފައިވާ މަސައްކަތްތައް ނިންމާފައިވާ ކަމަށެވެ.
މި ކޮމިޝަނުން ބަލައި ނިންމާފައިވަނީ ގެއްލުވާލައިފައިވާ ނޫސްވެރިޔާ ރިލްވާން އަބްދުﷲ ގެ މައްސަލައާއި، ބަންގްލަދޭޝްގައި ކިޔަވަން ހުއްޓާ މަރުވެފައިވާ ރައުދާ އާތިފްގެ މައްސަލައާއި ކުރީގެ ރައްޔިތުންގެ މަޖިލީހުގެ މެންބަރު އަފްރާޝީމް އަލީ ގެ މައްސަލައިގެ އިތުރުން ޖަލުގައި މަރުވި ހަސަން ޒަރީރުގެ މައްސަލައާއި ގޭންގް ހަމަލާއެއްގައި މަރާލި ފާތިރު މުހައްމަދުގެ މައްސަލައެވެ
މި ކޮމިޝަނުން ބަލަމުންދާ މައްސަލަތައް އެއްކޮށް ނުނިމެނީސް ކޮމިޝަން އުވާލުމަކީ އެ ފަރާތްތަކަށް އިތުރަށް މި ސަރުކާރުން އިންސާފު ނުލިބޭނެ ކަމުގެ ހެއްކެކެވެ. ހަމަހަމަ ކަމާއި އިންސާފު ހޯދައިދޭނެ ކަމަށް ރައީސް ވިދާޅުވި ނަމަބވެސް ރައީސްގެ އަމަލުފުޅުތަކުން ދައްކަވަމުންދަނީ އެހެން މަންޒަރެކެވެ.
