ފަލަސްތީނުގެ ޣައްޒާގެ ރައްޔިތުންގެ ހައްގުގައި މަސައްކަތް ކުރުމަކީ އިންސާނީ ވާޖިބެއް ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެގޮތުން ޣައްޒާގެ ދިފާއުގައި އެންމެން ތެދުވެ މަސައްކަތް ކުރުމަކީ އިންސާނީ ވާޖިބެއް ކަމަށާއި އެމީހުންގެ ރައްކާތެރިކަމަށްޓަކައި އިންސާނީ ހައްގުތައް ކަށަވަރުކޮށްދޭން ޖެހޭ ކަމަށް ވެސް އެ ޕޯސްޓްގައި އެމަނިކުފާނު ވަނީ ފާހަގަކުރައްވާފައެވެ.
މިނިސްޓާރ ޝަހީމަކީ ބޭރުގައި ބޭއްވޭ ބޮޑެތި މަހާ ސިންތާ ތަކުގައިވެސް ފަލަސްތީނުގެ ރައްޔިތުންގެ ދިފާއުގައި އަބަދުވެސް އަޑުއުފުލަމުން ގެންދަވާ ބޭފުޅެކެވެ.
އިޒްރޭލް ޕާސްޕޯޓްގައި މީހުން ރާއްޖެ އެތެރެވުން ސަރުކާރުން ވަނީ މަނާކޮށްފައެވެ. ޕާސްޕޯޓް މަނާކުރުމަށްޓަކައި ގާނޫނަށް އިސްލާހް ގެނެއުމަށް އިއްޔެ ބޭއްވުނު ވަޒީރުންގެ މަޖިލީހުގެ ބައްދަލުވުމުން ވަނީ ނިންމާފައެވެ.
