ހޮޓެލް ޖެން ކައިރީ ސައިކަލު ޕާކިން ޒޯނެއްގައި ހުރި ސައިކަލު ތަކެއްގައި އަލިފާން ރޯކޮށްލި ކަމަށް ތުހުމަތުކުރެވޭ މީހާ ހައްޔަރުކޮށްފިއެވެ.

މި ސައިކަލުތަކުގައި ރޯވި ކަމަށް މިއަދު ފަތިހު 3:03 ކަންހާއިރު ފުލުހުންގެ އިދާރާއަށް ރިޕޯޓް ކޮށްފައިވާ ކަމަށް އެ ފަރާތުން ވަނީ މައުލޫމާތު ހިއްސާކޮށްފިއެވެ.

އަދި އަލިފާން ރޯކޮށްލުމާއި ގުޅިގެން 7 ސައިކަލަކާއި ވޭނަކަށް ގެއްލުން ވެފައިވާ ކަމަށާ އޭގެ ތެރެއިން ތިން ސައިކަލް ވަނީ ބޭނުން ނުކުރެވޭ ވަރަށް އަދާފައި ކަމަށް ފުލުހުން މައުލޫމާތު ދެއެވެ.

މި މައުލޫމާތު ފުލުުހުންނަށް ލިބުމުން އެމްއެންޑީއެފްގެ ފަޔާ އެންޑް ރެސްކިއުއިން ވަނީ އަލިފާންގަނޑު ނިނއްވާލުމަށް މަސައްކަތްކޮށްފައިއެވެ.