ސަރުކާރުގެ ކަރަންޓް ކުންފުނި "ސްޓެލްކޯ" ގެ ޑިރެކްޓަރުންގެ ބޯޑަށް ސަރުކާރުގެ އެންމެ ނުފޫޒުގަދަ އެއް ފަރާތް އަދި 20 ވަނަ ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ (އަދުރޭ) ގެ އަންހެން ދަރިކަލުން މަރިޔަމް ސާޖިދާ އައްޔަންކުރައްވައިފިއެވެ.
ސްޓެލްކޯ އިން ވަނީ އެކްސްގައި ޕޯސްޓެއް ކުރައްވާ ސާޖިދާ ޑިރެކްޓަރުންގެ ބޯޑަށް އައްޔަންކޮށްފައިވާކަން އިއުލާން ކޮށް އޭނާ އަށް މަރުހަބާ ދަންނަވާފައެވެ.
މި ސަރުކާރުގެ ހުރިހާ ސިޔާސީ މަގާމްތަކަށް އައްޔަން ކުރަމުން ގެންދަވަނީ އަދުރޭގެ އާއިލީ މެމްބަރުން ކަން ފާހަގަކޮށްލެވެއެވެ.
އެގޮތުން އެމްޕީއެލްގައި ހުންނަވަނީ އަދުރޭގެ ދަރިކަލުންގެ ބަފައިބެއެވެ. އަދި ރާއްޖޭގެ އެންމެ މުހިންމު އެއް ސިނާޔަތް ކަމަށް ފަތުރުވެރިކަމާ ބެހޭ ވުޒާރާގެ ވަޒީރަކަށް ހުންނަވަނީ އަދުރޭގެ ދަރިކަލުން އިބްރާހިމް ފައިސަލް އެވެ.
އެގޮތުން އެ ނޫންވެސް ސިޔާސީ މަގާމްތަކަށް ވަނީ އަދުރޭގެ އާއިލީ މެމްބަރުން އައްޔަންކޮށްފައެވެ.
