ފަލަސްތީނުގެ ހައްގުގައި އެއްބައިވަންތަކަމުގެ ސައިކަލު ބުރެއް އަންނަ ހުކުރު ދުވަހު ބާއްވަން އިސްރާ އެސޯސިއޭޝަނުން ނިންމައިފިއެވެ.

މި ރެލީ ބާއްވަން ހަމަޖެހިފައިވަނީ ހުޅުމާލެ ސެންޓްރަލް ޕާކް ސަރަހައްދުން ކަމަށް އެ ޖަމިއްޔާއިން ވަނީ ބުނެފައެވެ. ހުކުރު ދުވަހުގެ ހަވީރު 4:00 ގައި ސައިކަލު ބުރު ފަށަން ހަމަޖެހިފައިވާއިރު، މި ރެލީގައި ވީހާވެސް ގިނަ ފަރާތްތަކުން ބައިވެރިވުމަށް އެ ޖަމިއްޔާއިން ވަނީ އެދެފައެވެ.

މިދިޔަ ހުކުރު ދުވަހުވެސް "ރަފާޙް އަނދަނީ" ނަމުގައި މި ޖަމިއްޔާއިން ވަނީ ހަރަކާތެއް ކުރިއަށް ގެންގޮސްފައެވެ. ގާތްގަނޑަކަށް 400 އެއްހާ މީހުން ބައިވެރި އެއްވުމަށް ބޮޑު ތަރުހީބެއް ވަނީ ލިބިފައެވެ.

ސަރުކާރުން ފަލަސްތީނުގެ ހައްގުގައި މަސައްކަތް ނުކުރާ ވަރަށް އާންމުންދަނީ ފަލަސްތީނުގެ ދިފާއުގައި ދުނިޔޭގެ ލެވެލްގައި އަޑު އުފުލަމުންނެވެ.