ގޭބިސީތަކަށް އެންމެ ފަހުން ފޮނުވި ކަރަންޓު ބިލް ބޮޑުވެގެން ހުށަހެޅި ޝަކުވާތައް ބަލައި ކުރެވުނު ތަހުގީގަށްފަހު ވެސް ކަރަންޓު ބިލް ބޮޑުވީ، ރައްޔިތުން ކަރަންޓް ބޭނުންކުރި މިންވަރު އިތުރެވެފައިވާތީ ކަމަށް ބުނެ ސަރުކާރުގެ "ކަރަންޓް" ކުންފުނި ސްޓެލްކޯ އިން ރައްޔިތުންގެ ޝަކުވާތަކަށް ބީރުކަންފަތް ދީފިއެެވެ.

ނިމިދިޔަ މަހުގެ ކަރަންޓް ބިލް ބޮޑުވެގެން އާންމުންގެ ޝަކުވާތައް ސޯޝަލް މީޑިޔާގައި ގިނަވެ، ސްޓެލްކޯ ކުރިމައްޗައް އާންމުން ނިކުމެ އިހުތިޖާޖް ކުރުމުން، ސްޓެލްކޯ ވަނީ ހޫނު ފެނަށް ވެއްޓި ޝަކުވާ ހުށަހެޅޭނެ ގޮތެއް ނިމިދިޔަ އާދިއްތަ ދުވަހު ހަމަޖައްސާފައެވެ.

ޝަކުވާ އެތައް ފަރާތެއް ހުށަހަޅާފައިވާއިރު އެ ޝަކުވާތައް ސްޓެލްކޯއިން ބަލައިގަނެފަ ވާނެ ކަމަށް ސްޓެލްކޯ އިން ވަނީ ބުނެފައެވެ.

އިތުރަށް ސްޓެލްކޯ އިން ބުނީ ބެލިބެލުމުން ފާހަގަކުރެވުނީ އެ މަހު ކަރަންޓު ގިނައިން ބޭނުންކޮށްފައިވުން ކަމަށެވެ.

އަދި ފާއިތުވީ ދެމަހުގައި ސަރުކާރުން ޑިސްކައުންޓު ދިން ބިލްތަކާއި މިދިޔަ މަހުގެ ބިލާއި އަޅާކިޔުމުން ގިނަ ބަޔަކަށް ބިލް ބޮޑުވިކަން ފާހަގަކުރެވިފައިވާކަމަށެވެ.

ސްޓެލްކޯ އިން ކަރަންޓުން ވައްކަން ކޮށްފައިވާ ކަމުގެ ތުހުމަތު ގިނަ ބަޔަކު ކުރަމުންދާއިރު ސްޓެލްކޯ އިން ވަނީ އެ ފަރާތްތަކުން އެ ކުރަމުން ގެންދާ ޝަކުވާ އަކީ އެއްވެސް ތާކުން ތާކުން ނުޖެހޭ ޝަކުވާތަކެއްގެ ގޮތުގައި ސިފަކޮށްފައެވެ.

އަދި ކަރަންޓް ބިލް ބޮޑުވެފައި ވަނީ ކަރަންޓް ބޭނުންކުރެވިފައިވާ މިންވަރު އިތުރުވުމުން ކަމަށް ސްޓެލްކޯ އިން ބުނަމުންދާއިރު މީހުން ދިރިނޫޅޭ ގެތަކުގެ ބިލް ބޮޑުވެގެންވެސް ބައެއް ފަރާތްތަކުން ވަނީ މީސްމީޑިއާގައި ނުރުހުން ފާޅުކޮށްފައެވެ.

ގިނަ ބަޔަކު ދެކޭ ގޮތުގައި ސްޓެލްކޯ އިން ވަނީ ކަރަންޓުން ވައްކަން ކޮށްފައެވެ. އަދި މިކަން އާންމު ރައްޔިތުންނަށް ހާމަވުމުން ސްޓެލްކޯ އިން މަސައްކަތް ކުރަމުން ގެންދަނީ ރައްޔިތުންގެ މައްސަލަ ދެއްކުމަށެވެ.