ފަލަސްޠީނު ރައްޔިތުންގެ ޙައްގުގައި އެއްބައިވަންތަކަމުގެ ފުޅަނދުބުރެއް ބާއްވައިފިއެވެ.
އިސްރާ ޖަމްއިއްޔާއިން އިސްނަގައިގެން ބޭއްވި މި ފުޅަނދުބުރު އޮތީ ހުޅުމާލޭގައެވެ. ގިނަ އަދަދެއްގެ ދުއްވާ އުޅަނދުތަކުގައި މީހުން މި ބުރުގައި ބައިވެރިވެފައިވެއެވެ.
ފުޅަނދު ބުރުގެ ބައިވެރިންވަނީ ފަލަސްތީނަށް ދެމުންދާ ހަމަލާތައް ހުއްޓާލުމަށް ގޮވާލާ އެއީ ނަސްލެއް ނައްތާލަން ދޭ އުދުވާނީ ހަމަލާތަކެއްގެ ގޮތުގައި ސިފަކޮށްފައެވެ.
މީި ފުޅަނދުބުރުގައި ގިނަ އަދަދެއްގެ ކުޑަ ކުދިންވެސް ބައިވެރިކޮށްފައިވާއިރު އެ ކުދިން ތިބީ ފަލަސްތީނުގެ ކުށެއް ނެތް މައުސޫމު ތުއްތު ކުދިން މެރުން ހުއްޓާލުމަށް ގޮވާލާ ޝުއޫރުފާޅުކުރަން ބޯޑުތައް ހިފަހައްޓައިގެންނެވެ.
މިދިޔަ ހުކުރު ދުވަހުވެސް "ރަފާޙް އަނދަނީ" ނަމުގައި މި ޖަމިއްޔާއިން ވަނީ ހަރަކާތެއް ކުރިއަށް ގެންގޮސްފައެވެ. ގާތްގަނޑަކަށް 400 އެއްހާ މީހުން ބައިވެރި އެއްވުމަށް ބޮޑު ތަރުހީބެއް ވަނީ ލިބިފައެވެ.
