19 ވަނަ ރައްޔިތުންގެ މަޖިލީހުން ރުހުން ނުދިނުމަށް ފާސްކުރި ތިން ވަޒީރުން ކަމަށްވާ ބަންޑާރަ ނައިބު އަހުމަދު އުޝާމް އާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާއި ހައުސިން މިނިސްޓަރު ޑރ. އަލީ ހައިދަރަށް ރުހުން ދޭން މިއަދުގެ މަޖިލީހުގެ ޖަލްސާއިން ފާސްކޮށްފި އެވެ.

އުޝާމަށް ރުހުން ދިނުމަށް ފާސްކުރީ ވޯޓުގައި ބައިވެރިވެވަޑައިގެންނެވި 87 މެމްބަރުންގެ އިއްތިފާގުންނެވެ.

އަދި މިނިސްޓާރ ޝަހީމަށް ރުހުން ދިނީ ވޯޓުގައި ބައިވެރިވެވަޑައިގެންނެވި 83 މެމްބަރުންގެ އިއްތިފާގުންނެވެ.

ހައިދަރަށް 81 މެމްބަރުން ރުހުން ދޭން ވޯޓު ދެއްވިއިރު، ރުހުން ދިނުމާ ދެކޮޅަށް 4 މެމްބަރުން ވަނީ ވޯޓު ދީފައެވެ.

ވޯޓުލުން ކުރިޔަށް ގެންދެވީ މަޖިލިސް ތަޅުމުގައި 89 މެމްބަރުން ތިއްބައެވެ.