ރޯގާ ފެތުރޭ ވަރު އިތުރުވާތީ ސަމާލުވާން ނާންގާކަމަށް ހެލްތު ޕްރޮޓެކްޝަން އޭޖެންސީ، އެޗްޕީއޭއިން ބުނެފިއެވެ.
ބައެއް ނޫސްތަކުގައި އެޗްޕީއޭއިން ރޯގާ އިތުރުވާތީ ސަމާލުވުމަށް އަންގާފައި ވާކަމަށް ބުނެފައިވާތީ "ތޭރައޮންލައިން"އިން މި މައުލޫމާތު ސާފުކުރުމުން އެޗްޕީއޭއިން ބުނެފައި ވަނީ އެ އޭޖެންސީއިން މިފަދައިން އެއްވެސް އެންގުމެއް އަންގާފައި ނުވާނެ ކަމަށެވެ.
މި ދުވަސްވަރަކީ އާންމުގޮތެއްގައި ރާއްޖޭގައި ރޯގާ އިތުރުވާ ދުވަސްވަރެކެވެ. ނަމަވެސް ރޯގާ އިތުރު ވާތީ ނުވަތަ ކޮންޓްރޯލް ނުވާތީ ވަކި ފިޔަވަޅު ތަކެއް އަޅަން ޖެހޭވަރަށް ހާލަތް ގޯސް ވާކަމަށް އެ އޭޖެންސީއިން ނުބުނާ ކަމަށް އެޗްޕީއެން ވަނީ ބުނެފައިއެވެ.
އެޗްޕިއޭއިން ރޯގާ ނުފެތުރޭ ކަމަށް ބުނި ކަމުގައި ވީނަމަވެސް ރާއްޖޭގައި އަންނަނީ ރޯގާ ފެތުރެމުންނެވެ. އަދި ކުރިއަށް އޮތް އީދު ބަންދަށް މިކަން ކޮންޓްރޯލް ނުވެއްޖެ ނަމަ ރޯގާ ފެތުރުން ކޮންޓްރޯލް ނުކުރެވޭނެއެވެ.
