މެއި މަހުގެ 20 ވަނަ މަރުވެފައި އޮއްވާ ފެނުނު މއ. ބޯޅަކިންކިރިމާގެ، އުމުރުން 30 އަހަރުގެ އަޙުމަދު އައިމަންގެ ގަޔަށް ހުރީ މެތު އިންޖެކްޓްކޮށްފައިކަމަށް ފުލުހުން ހާމަކޮށްފިއެވެ.

ފުލުހުންގެ ސީރިއަސް އެންޑް އޮގަނައިޒްޑް ކްއިރިމް ޑިޕާޓްމެންޓުން މިއަދު ބޭއްވި ނޫސްވެރިންގެ ބައްދަލުވުމުގައި ޗީފް އިންފެކްޓާ މުހައްމަދު ސާމިހް ވިދާޅުވީ އައިމަން މަރުވައި އޮއްވާ ފެނުނު މައްސަލަ ހުށަހަޅާފައިވަނީ މެއި 20 ވަނަ ދުވަހުގެ 14:20 ހާއިރު އާންމު ފަރާތަކުން ފުލުހުންނާއި ގުޅައި ރަބީއުވިލާ ގޭތެރޭގައި މީހަކު މަރުވެފައިވާ ކަމަށް މައުލޫމާތު ދިނުމާއެކުގައި ކަމަށެވެ.

އެގޮތުން އެގޭތޭރޭގައި އައިމަން މަރުވެފައި އޮއްވާ އޮއްވާ ފެނުނު އިރު އަތަށް ހުރީ ސިރިންޖު ޖަހާފައި ކަމަށާއި އެ ސިރިންޖުގެ ހުރި ތަކެތި މަސްތުވާތަކެތީގެ ބާވަތެއް ކަމަށްވާ މެތަށް ޕޮރިޓިވްވި ކަމަށް ސާމިހު ހާމަކުރެއްވިއެވެ.

ސާމިހު އިތުރަށް ހާމަކުރެއްވި ގޮތުގައި ރަބީއުވިާލގޭގެ ތިން ވަނަ ފަންގިފިލާގައި ވަރަށް ބޮޑަށް ކުނިވެފައިވާ ހަށިގަނޑެއް އިތް ކަމަށް ލިބުނު ރިޕޯޓާ އެކު ގޮސް ވެލިއިރު އެ ހަށިގަނޑު ކުނިވެ ހަލާކުވެފައި އޮތް ވަރު ބޮޑުކަމުން މީހާގެ ސިފަ ދެނެގަންނަން އުނދަގޫވިއެވެ.

އެހެންކަމުން ހަށިގަޑު އެއީ ކާކުގެ ހަށިގަނޑެއް ތޯ ޔަގީންކުރުމަށް އެ ވަގުތުން ފެށިގެން ފުލުހުން މަސައްކަތްކުރި ކަމަށް ވެސް ސާމިހު ވިދާޅުވިއެވެ.

އައިމަންގެ މަރާ ގުޅިގެން ފުލުހުން އިތުރަށް ހާމަކުރި މައުލޫމާތުގައި ވިދާޅުވެފައިވަނީ ހަށިގަނޑު ކުނިވެ ހަލާކުވެފައިވުމުން ތަހުގީގަށް ބޭނުންވާ ބައެއް ކަންކަން އެންމެ އެކަށީގެންވާ ގޮތަށް ދެނެގަތުމަށް އޮޓަޕްސީ ހަދާފައިވާނެ ކަމަށެވެ.

އޭގެ ވަގުތީ ނަތީޖާއިން ހަށިގަނޑަށް ޖިސްމާނީ ގޮތުން އަނިޔާއެއް ލިބިފައި ނުވާކަން ފާހަގަވެފައިވީ ނަމަވެސް ދާއިމީ ނަތީޖާ އަދި ލިބިފައި ނުވާތީ އައިމަންގެ މަރުގެ ސަބަބު ދެނެގަނެވިފައެއް ނުވާކަމަށް ވެސް ފުލުހުން ހާމަކޮށްފައިވެއެވެ.