ފަލަސްތީނާއި ދެކޮޅަށް އިޒްރޭލުން ހިންގަމުން އަންނަ އަނިޔާވެރި އަމަލުތަކުގެ ސަބަބުން އެ ގައުމުގެ ރައްޔިތުން ދިވެހިރާއްޖެއަށް އެތެރެނުވެވޭނެހެން ފިޔަވަޅު ނެގުމާއި ދެކޮޅަށް ބައެއް މަޖިލިސް މެންބަރުންނާއި ސަރުކާރުގެ އިސް ބޭފުޅުން ވާހަކަދައްކަވަމުން ގެންދާތީ އާންމުން ކަންބޮޑުވުން ފާޅުކުރަން ފަށައިފިއެވެ.
ސޯޝަލް މީޑިޔާގެ އެކި ޕްލެޓްފޯމްތަކުގައި އެންމެ ގަދަޔަށް ދެކެވޭ އެއްވާހަކައަކީ ސަރުކާރުން އިޒްރޭލުގެ ޕާސްޕޯޓް މަނާކުރަން ބިރުން އުޅޭ ވާހަކައެވެ. މިގޮތުން ސިޔާސީ މަންފާއަށާއި މަދު ޑޮލަރު ކޮޅެއްގެ ދަހިވެތިކަމުގައި އިސްލާމީ ފޭރާން ވީދާނުލުމަށް ގިނަ ބަޔަކު އަންނަނީ ސަރުކާރަށް ގޮވާލަމުންނެވެ.
އިސްލާމީ ވެރިކަން ގާއިމުކުރުމަށް ހުވާ ކުރައްވައި ރައީސް މުއިއްޒު ވަނީ މުސްލިމުން ނިކަމެތިކޮށްފައި ކަމަށާއި އިޒްރޭލުން ހިންގާ އަމަލުތަކަށް ފިޔަވަޅު ނުނެގުމުން ދޭހަވަނީ އިޒްރޭލަށް ވުރެ ދިވެހިރާއްޖޭގެ ސަރުކާރު އަނިޔާވެރިވެފައިވާ މިންވަރު ކަމަށް ބުނެފައިވެއެވެ. އިސްލާމީ އުއްމަތާއި ދެކޮޅަށް ހިންގަމުން މިދަނީ ސީދާ މުސްލިމުން ނެތިކޮށްލުމަށް ފަށާފައިވާ ހަނގުރާމައަކަށް ވާއިރު، މުސްލިމުން މުސްލިމުންނަށް އެހީނުވެ އިތުރަށް އެހީވާން ބަޔަކު ނާންނާނެ ކަމަށް އެކި ޕޯސްޓްތަކުން ފެންނަމުންދެއެވެ.
ރިޒުގު ދެއްވަނީ މާތްﷲ ކަމަށާއި މިހާރުން މިހާރަށް އިޒްރޭލް ޕާސްޕޯޓް މަނާކުރުމަށް ރައްޔިތުން އވަނީ ގޮވާލާފައެވެ.
