ފުވައްމުލަކުގައި ރޭ ހިނގި އެކްސިޑެންޓެއްގައި ހާލު ސީރިއަސްވި މީހާ އޮތީ ވެންޓިލޭޓަރުގައިއެވެ.

ހޮނިހިރު ދުވަހުގެ ރޭ  10:15 ހާއިރު ފުވައްމުލަކު ބޮޑުފަންނު މަގުގައި ހިނގި އެކްސިޑެންޓުގައި އަނިޔާވި މީހާ ވަނީ އިތުރު ފަރުވާއަށް މާލެ ގެނެސްފައިއެވެ.

އޭނާއަށް ފަރުވާދެމުން ދަނީ އައިޖީއެމްއެޗްގައި ކަމަށްވެސް ވަނީ މައުލޫމާތު ލިބިފައިއެވެ.

އެކްސިޑެންޓުގައި އަނިޔާވެފައިވަނީ 30 އަހަރުގެ ދިވެހި ފިރިހެނަކަށެވެ. އަދި އޭނާ މާލެ ގެނެސްފައިވަނީ ފުވައްމުލަކު ހޮސްޕިޓަލުގައި ފަރުވާ ދިނުމަށް ފަހުގައި ކަމަށް ފުލުހުން ވަނީ ބުނެފައިއެވެ.

މި އެކްސިޑެންޓު ހިނގާފައި ވަނީ ބާރު ސްޕީޑުގައި ދުއްވާފައި ދިޔަ ސައިކަލެއް ކޮންޓްރޯލު މުވުމގެ ސަބަބުން، ފާރެއްގައި ޖެހުމުން ކަމަށް ފުލުހުން ވަނީ މައުލޫމާތުދީފައިއެވެ.

ފުލުހުން ދަނީ މި އެކްސިޑެންޓު ތަހުގީގު ކުރަމުންނެވެ.