ވެލިމާ ނަމަކަށް ކިޔާ ލޯންޗެއް ތ. ކިނބިދޫ ނެރު ފަސްގަނޑަށް އަރައި ދެ މީހަކަށް އަނިޔާވެެއްޖެއެވެ.

ފުލުހުން މިރޭ މީޑިއާތަކަށް ފޮނުވި މެސެޖެއްގައި ބުނެފައިވަނީ އެ ހާދިސާގެ މައުލޫމާތު ފުލުހުންނަށް ރިޕޯޓު ކޮށްފައި ވަނީ މިއަދު ހަވީރު 5:00 ހާއިރު ކަމަށެވެ.

އަދި އެ ހާދިސާގައި އަނިޔާވި މީހުންނަށް ލިބިފައިވަނީ ކުދި ޖިސްމާނީ އަނިޔާ ކަމަށެވެ.

ކިނބިދޫ ނެރު ފަސްގަނޑަށް އެރި ލޯންޗުގައި ތިން މީހަކު ދަތުރު ކުރި ކަމަށް ފުލުހުން ވަނީ ހާމަކޮށްފައެވެ.

އެ ހާދިސާ ހިނގަން މެދުވެރިވި ސަބަބެއް ފުލުހުން ހާމަކޮށްފައި ނުވެއެވެ.

ފުލުހުން ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ.