ފަލަސްޠީނުގެ ޙައްޤުގައި ޔަހޫދީ އިޒްރޭލާ ގުޅުންކަނޑާލަން ބުނުމުން ސަރުކާރުން ބަހަނާ ދައްކަމުން ގެންދާތީ ދީނީ އިލްމުވެރިޔާ، އައްޝައިޚު އާދަމް ނިޝާން އިބްން އަލީ އާދަމް ނުރުހުންފާޅުކުރައްވައިފއެވެ.

އެކްސްގައި ކުރެއްވި ޕޯސްޓެގައި ޝައިޚު ވިދާޅުވީ ފަލަސްތީނުގެ ހައްގުގައި ވެވެން އޮތް ގުރުބާނީ އެއް ވެވެން އޮތް މިންވަރަކުން ވުން މުހިއްމުކަމުގައެވެ.

އެގޮތުން ޝައިޚު ވިދާޅުވީ އެ ރައްޔިތުންނަށް ނަސްރު ހޯދާދިނުމަށް ވެވެން ހުރި ހުރިހާ އެހީއެއް ވުމަކީ ވަރަށް މުހިއްމު ކަމެއް ކަމަށެވެ.

މި އުއްމަތުގެ ހައްގުގައިި ފަލަސްތިނުގެ ރައްޔިތުން ވަމުންއަންނަ ގުރުބާނީއަކީ އަޅުގަނޑުމެންގެ ހައްގުގައި އެ ވަމުން އަންނަ ގުރުބާނީ ޝައިޚު ވަނީ ފާހަގަކުރައްވާފައިއެވެ.

މި ރައްޔިތުންގެ ގުރުބާނީގެ އަގު ވަޒަން ކުރުމުގެ ގޮތުން އަޅުގަނޑުމެންނަށް އިސްރާއީލު އެކަހެރިކޮށްލުން ވަރުގެ ގުރުބާނީއެއްވެސް ނުވެވިގެން އުޅޭކަމަށް ޝައިޚު ވަނީ ފާހަގަކުރައްވާފައިއެވެ.

ނަމަވެސް އެ ގައުމުގެ ރައްޔިތުން އެ ދަނީ އަޅުގަނޑުމެންގެ ހައްގުގައި އެބައިމީހުންގެ ލެޔާއި އަނބިދަރިންނުންވެސް ގުރުބާނީތައްވަމުން ކަމަށް ޝައިޚު ފާހަގަކުރެއްވިއެވެ.

މީގެ އިތުރުން ޝައިޚު ވަނީ ފަލަސްޠީނުގެ ޙައްޤުގައި ޔަހޫދީ އިޒްރޭލާ ގުޅުންކަނޑާލަން ދިވެހިން ގޮވަމުންދާއިރުވެސް ސަރުކާރުން ބަހަނާ ދައްކާ ސަބަބާމެދު ސުވާލު އުފައްދަވާފައެވެ.

ޝައިޚު ނިޝާންގެ ނުުރުހުން ސަރުކާރަށް އަމާޒުކުރައްވާފައިވާއިރު، ސަރުކާރުން ބުނަމުން ގެންދަނީ އިޒްރާއިލް ޕާސްޕޯޓު މަނާކުރުމާ މެދު ފުންކޮށް ވިސްނަން ޖެހޭ ކަމަށެވެ.