މޯލްޑިވްސް ޕޯރްޓްސް ލިމިޓެޑް (އެމްޕީއެލް) ގެ ކްރެޑިޓް ކާޑު ބޭނުންކޮށްގެން މަޖިލިސް ރައީސް އަދުރޭގެ އާއިލާ ވިޔަފާރި ކުރަމުންގެންދާކަން ފަޅައަރައިފިއެވެ.

"ތޭރަ އޮންލައިން" އަށް މައުލޫމާތު ލިބުނުގޮތުގައި މިކަން ކުރަމުން ގެންދަނީ އަދުރޭގެ އަންހެން ދަރިއެވެ.

އަމިއްލަ ބޭނުމަށް ކުންފުނީގެ ކްރެޑިޓް ކާޑު ނަހަމަގޮތުގައި ބޭނުން ކުރާކަން ހާމަވެފައި ވަނީ އެ ކާޑުން ކެނޑޭ ކޮންމެ ޓްރާންސެކްޝަން އެއްގެ މައުލޫމާތު ކުންފުނީގެ އިސްފަރާތަކަށް ލިބެމުންދާތީއެވެ.

މައުލޫމާތު ލިބުނުގޮތުގައި މިހާތަނަށް 3000 އަށްވުރެ ގިނަ ޑޮލަރުގެ ވިޔަފާރި އެ ކާޑުން ވަނީ ކޮށްފައެވެ.

މި ކާޑުން ވިޔަފާރި ކުރަމުންދަނީ ބެންގްކޮކްގައި ކަން ފާހަގަކޮށްލެވެއެވެ.

(އަދުރޭ)ގެ ދަރިކަނބަލުންގެ، ފިރިމީހާގެ ބައްޕަ، އަދި އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް (ޖުހާ) އެ ކުންފުނީގެ ކާޑުން ތައިލޭންޑުން ބޭސްފަރުވާއަށް ހޭދަކުރިކަން ވެސް ވަނީ ފަޅައި އަރާފައެވެ.