ދިރާގު އީދު ޝޯ އަދި 'ވިން އަ ޓެސްލާ' ޕްރޮމޯޝަންގެ ގުރުއަތު ނެގުން މިރޭ އޮންނާނެ ކަމަށް ދިރާގުން ހާމަކޮށްފިއެވެ.
މި އަހަރުގެ އަޟްހާ އީދު ފާހަގަކުރުމުގެ ގޮތުން ދިރާގުން ބާއްވާއީދު ޝޯ ބޭއްވުމަށް ހަމަޖެހިފައިވަނީ މިރޭ 8:30 އިން ފެށިގެން ހުޅުމާލެ ސެންޓްރަލް ޕާކުގައެވެ.
ދިރާގުގެ 'ވިން އަ ޓެސްލާ' ޕްރޮމޯޝަންގެ ގުރުއަތު ނަގާ ނަސީބުވެރިއެއް ވެސް މިރޭގެ ޝޯ ގެ ތެރެއިން ހޮވިގެންދާނެއެވެ.
ގުރުއަތު ނެގުން ފެށިގެންދާނީ މިރޭ 9:00 ޖަހާއިރުއެވެ.
އަދި މި ސެގްމެންޓް ޗެނަލް 13 އާއި ޓީ.ވީ.އެމް އަދި ދިރާގުގެ ފޭސްބުކް އާއި ޔޫޓިއުބްއިން ލައިވްކޮށް ދައްކާނެއެވެ.
ދިރާގު އީދު ޝޯގައި އެކި އެކި ފަރާތްތަކުން ހުނަރު ދައްކާލާނެއެވެ.
އެގޮތުން ޝޯގައި ކުޅޭނީ:
• ޑީޖޭ އަލީ
• އީކުއެޓިކް ވައިބް
• ސްކައިރޮކް
• ރެވިއޯ
• ޓްރެފިކް ޖޭމް
• ސިމްބޮލިކް ރެކޯޑްސް
އޭގެއިތުރުން ޝޯގައި ވިމެން އެންޓަރޕްރެނިއަރސް އެސޯސިއޭޝަން - މޯލްޑިވްސް (ވީއެމް) އަދި މަޝްހޫރު ޝޮޓް ބެވަރޭޖަސް މޯލްޑިވްސްގެ އުފެއްދުންތަކާ އެކު އިންތިޒާމްކުރެވިފައިވާ ޚާއްސަ ފުޑް ސްޓްރީޓެއްވެސް އޮންނާނެ ކަމަށް ދިރާގުން ވަނީ ބުނެފައެވެ.
