ކޮންމެ އީދަކާ ދިމާކޮށް ހދ.ކުޅުދުއްފުށީ އިން ކުރިއަށް ގެންދާ މާލި ޕެރޭޑަކީ އާންމުންގެ ބޮޑު ސަމާލުކަމެއް ލިބިގެންދާ އެއް ހަރަކާތަކަށް ވަނީ ވެފައެވެ.

މިގޮތުން މިފަހަރުވެސް ކުޅުދުއްފުށީން ވަނީ މާލި ޕެރޭޑް ކުރިއަށް ގެންގޮސް ސަރުކާރަށް ބޮޑެތި ފާޑުކިޔުންތައް އަމާޒުކޮށްފައެވެ.

ސަރުކާރުން ރައްޔިތުންނަށް ވެފައިވާ ވައުދުތައް އެ ރަށު ރައްޔިތުން ވަނީ ސަރުކާރަށް ހަނދާންކޮށްދީފައެވެ. މިގޮތުން މަސް ކިރާތާ 48 ގަޑި އިރު ހަމަނުވަނީސް މަހަށްވާ ފައިސާ ލިބޭނެ ކަމަށް ޑރ މުއިއްޒު ވެފައިވާ ވައުދާއި، މެއި މަހު ޕޭޕަލް ތައާރަފު ކުރާނެ ކަމަށް ބުނެ ވެފައިވާ ވައުދަށްވެސް ވަނީ ފާޑުކިޔުން އަމާޒުކޮށްފައެވެ.

ރިޔާސީ އިންތިޚާބު ދުވަސްވަރު ދިވެހީންގެ ރާއްޖެއަކަށް ވޯޓު ދިނުމަށް މުއިއްޒު ވަނީ ނުފުއްދޭ ވަރުގެ ވައުދުތައްވެ ރައްޔިތުންނަށް ވަރަށް ބޮޑަށް އޮޅުވާލާފައެވެ.

މުއިއްޒު ވެފައިވާ ވައުދުތަކުގެ ފަހަތުން ރައްޔިތުން ދުވެ ހަނދާންކޮށްދޭން ޖެހުމަކީ މި ސަރުކާރު ހިންގަން ތިބި ބޭފުޅުންގެ ނާގާބިލުކަން ވަރަށް ބޮޑަށް ހާމަކޮށްދޭކަމެކެވެ.