އީދު ބަންދާ ގުޅުވާ މޯލްޑިވިއަންއިން ޓިކެޓުގެ އަގު ހެޔޮކުރި ކަމަށް ބުނެ މެޑަލް ޖަހަމުންދާއިރު އެކަމަށް ކަސްޓަމަރުންގެ ފާޑުކިޔުން އަމާޒުވެއްޖެއެވެ.
އެގޮތުން ދިވެހި ރައްޔިތަކު އެކްސްގައި ކުރި ޕޯސްޓެއްގައި ބުނެފައިވަނީ، މޯލްޑިވިއަންއިން ޓިކެޓުގެ އަގު ހެޔޮކުރި ކަމަށް ބުނާއިރު އޭގެ ފައިދާވީ ދިވެހި ރައްޔިތަކު މަދު ކަމަށެވެ.
އެގޮތުން އީދު ބަންދާ ދިމާކޮށް މޯލްޑިވިއަނުން އތެރޭގެ އުދުހުންތަކުން އަގު ހެޔޮކުރި ކަމަށް ބުނާއިރު އީދު ޗުއްޓީ މި މަހުގެ 14 ގައި ފެށިއްޖެ ކަމަށް ފެށޫނު އިރުވެސް ޓިކެޓުގެ އަގު ހުރި އެ ހުރި ވަރަކަށް ކަމަށާ މޯލްޑިވިއަންއަކީ ޖާގައިގެ ގޮތުން މަދު އޮޕަރޭޓަރަކަށް ވުމުން އީދަށް ތަންތަނަށް ދާން ދަތުރު ރާވާ މީހުން ކުރިއާލާ ޓިކެޓު ނަގާ ނިންމާފައިވާ ކަމަށެވެ.
މޯލްޑިވިއަން އެއާާލައިން އިން ޒަރޫރީ ދަތުރުތައް ކުރާ ރައްޔިތުންނަށް ހާއްސަ އަގުތަކެއް ކަނޑައެޅިކަމަށް ބުނާ ޚަބަރުގެ ސްކްރީޝޮޓެއް ހިއްސާކޮށް ކޮށްފައިވަ އެ ޕޯސްޓުގައި އިތުރަށް ބުނެފައިވަނީ ޓިކެްޓުގެ އަގު ހެޔޮކުރި ކަމަށްބުނާއިރު އެކަމުގެ ފައިދާ ރައްޔިތުންނަށް ވާނެ ގޮތަކާ މެދު ސުވާލު އުފައްދާފައެވެ. އެއީ މޮލްޑިވިއަންގެ ބުކިންގްސްތައް އެ އެއާލައިންއިން ބުނާ ގޮތުން ނަމަ ފުލްވެފައިވާ ވުމުންނެވެ.
އޭނާ ވަނީ މޯލްޑިވިއަންއިން ލިމިޓެޑް އަދަދެކޭ ބުނިއިރު އެއީ ހަމަ އެކަނި 3 ޓިކެޓްތޯ ސުވާލު އުފައްދާފައިއެވެ.
މީގެ އިތުރުން ބައެއް މަންޒިލްތަކަށް އަގުހެޔޮ ކުރީ ކަނެކްޓިން ފްލައިޓުތަކަށް އެކަނިކަމަށްވެސް އޭނާ ވަނީ ބުނެފައިއެވެ. އެހެންކަމުން މޯޑިވިއަންއިން ރައްޔިތުންނަށް ހެޔޮހިތުން ކޮށްދޭ ކަންކަންނަމަ އެކަންކަން ރޭވުންތެރިކަމާ އެކު ކުރުމަށް ގޮވާލާފައިވެއެވެ.
މޯލްޑިވިއަންއިން ޓިކެޓުގެ އަގުތަކާ ގުޅިގެން މީގެ ކުރިންވެސް އެކި ޕްރޮމޯޝަންތަކުގައި ރައްޔިތުންނަށް އޮޅުވާލާފައިވާކަން ފާހަގަކޮށްލެވެއެވެ.
