މި ސަރުކާރުން ދޮގާއި މަކަރާއި ނުލާ އުޅެން ދަސްކުރުމަށް ކުރީގެ ކޮމިޝަނަރ އޮފް ޕޮލިސް ހުސެއިން ވަހީދު ގޮވާލައްވައިފިއެވެ.
ފޭސްބުކުގައި ކުރި ޕޯސްޓެގައި ހުސެއިން ވިދާޅުވީ، މި ސަރުކާރުން ނިންމާ ނިންމުންތައް ވަރަށް އަވަސް އަވަހަށް ބަދަލުކުރާކަން ފާހަގަ ކުރެވޭކަމަަށެވެ.
ހުސެއިން ވިދާޅުވީ މިފަދައިން ނިންމާ ކޮންމެ ކަމެއް، އިސާހިތަކުން، ދުވަސްކޮޅެއްގެ ތެރޭގައި ބަދަލު ކުރުމަކީ ސިޔާސަތުތަކުގައި ހަރުދަނާކަމެއް ނެތުންކަމަށެވެ.
މިފަދައިން ނިންމުންތައް ނިންމާ މީހުންނަށް ދިވެހި ބަހުން ކިޔާ އުޅެނީ، "އުނބަށް ޖެހުން" ކަމަށްވެސް ހުސެއިންގެ ޕޯސްޓުގައި ވަނީ ފާހަގަ ކުރައްވާފައިއެވެ.
މިކަމުގެ ސަބަބުން ބޭރު ދުނިޔޭގެ ނޫސްތަކުން ރާއްޖެއާއި މެދު ދައްކާ ވާހަކަތަކުގެ ސަބަބުން ބޯދިއްކޮށްލަން ނުކެރޭކަމަށް ވެސް ހުސެއިން ވިދާޅުވިއެވެ.
އަދި ބާޒާރުމަތީ ރައްޔިތުން ގޮވަނީ މި ސަރުކާރަށް ހެދޭ ނުހެދޭ ނޭނގޭކަމަށެވެ.
މިފަދަ އަމަލު ތަކުންވެސް ފެންނަނީ މި ސަރުކާރުގެ ސިޔާސަތެއް ނެތްކަން ކަމަށާއި، ކުރިމަގަށް މަގު ޗާޓެއް ނެތްކަންކަމަށް ވެސް ސީޕީ ފާހަގަކުރިއެވެ.
ހުސެއިން އިތުރަށް ވިދާޅުވީ،މި ގައުމާއި ހަވާލުވެ ތިބި ވެރިން ދޮގާއި މަކަރާއި ނުލާ ގައުމު ހިންގަން ދަސްކުރަން އެބަ ޖެހޭކަމަށެވެ.
