ރާޖޫމާލެ އެއްގެ އަޑު ދިވެހިންނަށް އިވިފައި އޮތް އިރު ދެން މިތިލަވީ އެފަދަ ހީނާ ސްޕާއެއް ކަމަށް ވިދާޅުވެ ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)އިން ހިންގި ކޮރަޕްޝަންގެ އަމަލަށް، ކުރީ ކޮމިޝަނަރ އޮފް ޕޮލިސް ހުސެއިން ވަހީދު މަޖާޒީ ގޮތަކަށް ފާޑުވިދާޅުވެއްޖެއެވެ.

ހުސެއިންގެ ފާޑުކިޔުން އަމާޒުކުރައްވާފައިވަނީ ޕީއެންއެފުން ހޯމަ ދުވަހުގެރޭ ބޭއްވި އެ ޕާޓީގެ ޖަގަހަ ޖަލްސާގައި އިންނަވާ ދެއްކެވި ވާހަކައިގައެވެ.

އެގޮތުން ހުސެއިން ވަނީ ރަސްމާލެ ހިއްކުމުގައި ރައީސް މުހައްމަދު މުއިއްޒުގެ ސަރުކާރުން ކޮރަޕްޝަން އިންތިހާއަށް ހިންގާފައިވާކަން ފާހަގަކުރައްވާފައެވެ. އަދި މިހާރު އެންސްޕާއިން ތެރެއިން ވެސް ހިންގައިގެން އުޅެނީ އެފަދަ ގަނީމާ މުދާ ބެހުމުގެ ވައްކަމެއް ކަމަށް ވިދާޅުވެ ހުސެއިންގެ ނުރުހުމާ ފާޑުކިޔުން ވަނީ އަމާޒުކުރައްވާފައެވެ.

ހުސެއިން ވަނީ ފެންނަން ހުރި ލިޔެކިޔުންތައް އެކަނި އޭސީސީއަށް ދިނަސް ހީނާގެ ސްޕާ ނޫނީ ހީނާ އިންނާނީ ޖަލުގައި ކަމަށް ބެލެވޭ ކަމަށެވެ.

ހުސެއިން މިފަދައިން ވިދާޅުވެފައިމިވަނީ މޯލްޑިވްސް މީޑިއާ ހައުސްގެ ނަމުގައި ހިންގާ ކުންފުންޏެއް މެދުވެރިކޮށް ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) ހިންގާނެ އިމާރާތް ހޯދުމަށް އެއްބަސްވުމެއް ހަދާފައިވާ ދަނޑިވަޅެއްގައެވެ.

އެގޮތުން އެންސްޕާ އިން ކުއްޔަށް ހިފި އިމާރާތެއްގައި، ދާދި ފަހުން ފެށި މޯލްޑިވްސް މީޑިއާ ހައުސްގެ މޯލްޑިވްސް މީޑިއާ ޓީވީ (އެމްއެމްޓީވީ), ހިންގާކަމުގެ އަޑުތަކެއް ވަނީ ފެތުރިފައެވެ. އެގޮތުން ސޯޝަލް މީޑިއާގައި ދައުރުވަމުން އަންނަ ލިޔެކިޔުތަކުން އެނގޭ ގޮތުގައި އެންސްޕާ އާއި އެމްއެމް ޓީވީ ހިންގާ ކުންފުނި މޯލްޑިވްސް މީޑިއާ ހައުސްއާ ދެމެދު 34.8 މިލިއަން ރުފިޔާގެ އެއްބަސްވުމެއް ހަދާފައިވެއެވެ. ބަލާ ހޯދާލުމުން ހާމަވެގެން ދިޔައީ އެއީ އެންސްޕާ ހިންގުމަށް ފަސް އަހަރު ދުވަހު މއ. ސީރާޒީގެ ދެ ފަންގިފިލާ ކުއްޔަށް ހިފުމާ ގުޅޭ އެއްބަސްވުމެއްކަމެވެ.

ތަފްސީލަށް ބަލާލާއިރު، އެ ގެއިން ދެ ފަންގިފިލާ ހިފާފައިވަނީ މަހަކު 580،000ރ އެންސްޕާއިން ކުއްޔަށް ހިފާފައިވެއެވެ. އަދި މިނިސްޓްރީ އޮފް ފިނޭންސްއިން ހިންގާ ޓެންޑާ ބޯޑް މެދުވެރިކޮށް ހަދާފައިވާ މި އެއްބަސްވުމުގެ ދަށުން، މީޑިއާ ހައުސްއިން ހަމަ އެ އިމާރާތުން 4 ފަންގިފިލާ ކުއްޔަށް ހިފާފައިވާކަން ހާމަވެފައިވެއެވެ.

އޭގެ ތެރެއިން 2 ފަންގިފިލާ އެންސްޕާ އަށް ދޫކޮށްފައިވާއިރު، އަނެއް 2 ފަންގިފިލާ ބޭނުންކުރަނީ ރައީސް މުއިއްޒުގެ ޓީވީ ސްޓޭޝަންގެ މަސައްކަތްތަކަށެވެ.

އެނގިފައިވާ ގޮތުގައި އެ ހަތަރު ފިލާއަށް ޖުމްލަ ދައްކަން ޖެހެނީ 580،000ރ އެވެ. އެހެންކަމުން އެންސްޕާ މެދުވެރިކޮށް އެމްއެމް ޓީވީ ހިންގާ ދެ ފަންގިފިލާގެ ކުލި ވެސް ހަމަޖައްސާފައިވެއެވެ.

އެހެންކަމުން މިއީ ބޮޑު އަގުގައި ރައީސް މުއިއްޒުގެ ޓީވީ ހިންގާ ކުންފުންޏަށް މަންފާވާ ގޮތަށް ވަނީ ރައްޔިތުންގެ އާސަންދަ ފައިސާ އިސްރާފުކޮށް ކޮށްފައިވާ ވައްކަމެއްގެ ގޮތުގައި ގިނަ ބަޔަކު ސިފަކޮށް ފާޑުކިޔާފައިވެއެވެ.