ދިވެހިރާއްޖޭގެ ސަރުކާރު މިހާރު އޮތީ ޑިޕްރެޝަންގައި ކަމަށާ އެހެންކަމުން ކަންކަމަށް ރިއެކްޓުކުރަން ވެރިންނަށް ނޭނގޭ ކަމަށް ކުރީގެ ކޮމިޝަނަރ އޮފް ޕޮލިސް ހުސެއިން ވަހީދު ވިދާޅުވެއްޖެއެވެ.
ހުސެއިން މިފަދައިން ވިދާޅުވީ، ބުރާސްފަތި ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ.
ހުސެއިން ވިދާޅުވީ، ދައުލަތުގެ ހިންގުމުގެ ނިޒާމު މިހާރު ވަނީ އެފުށް މިފުށަށް ޖެހި ހަލާކުވެ ބޮއްސުންލައިގެން ގޮސްފައިވާ ކަމަށާ އެހެން އެކަން ދިމާވީ ރައީސް މީހާގެ ބަހާ އަމަލާ ދިމާނުވާތީ ކަން ހުސެއިން ފާހަގަކުރެއްވިއެވެ.
ހުސެއިން ވިދާޅުވީ ދައުލަތުގެ މާލިއްޔާގެ ހާލަތު ވެރިކަމާ ހަވާލުވި އިރުވެސް ރައީސް މުހައްމަދު މުއިއްޒުއަށް އެނގިވަޑައިގެން ހުންނަވާ ވެސް ވެރިކަމަށް ވަޑައިގެން ގެންދެވީ ބޭކާރު ޚަރަދުތައް ކުރަމުން ކަމަށެވެ. އެގޮތުން ތުރުކީއިން ޑްރޯން ގަތުމާ ވެރިން ބޭކާރު ދަތުރުތައް ކުރުން ހުސެއިން ފާހަގަކުރެއްވިއެވެ.
ހުސެއިން ވިދާޅުވީ، ތިން ބާރު ވަކިވެފައި އޮތް ނިޒާމު ރަގަޅު ގޮތުގައި ފަންކްޝަން ކުރުމުގެ ހިތްވަރު ނެތް ކަމަށަ އެ ހިތްވަރު ނެތީ ވެރިންގެ ތެރެއިން ބަޔަކު ބޮލާފޮށާ އެޅިދާނެ ތީ ކަމަށްވެސް ހުސެއިން ވިދާޅުވިއެވެ.
އެއް އަހަރު ވެގެން ދާއިރު ފެންނަނީ މުޅި ސަރުކާރު ޑިޕްރެޝަންގައި އޮތް މަންޒަރު. ޚާއްސަ ފަރުވާއެއް ބޭނުންވާ ކަހަލަ މަންޒަރެއް.
ހުސެއިން
ހުސެއިން ވަނީ ސަހްޔޫނީންގެ ޕާސްޕޯޓު މަނާ ނުކުރާތީ ވެސް ސަރުކާރަށާ ރައީސް މުއިއްޒަށް ފާދުވިދާޅުވެފައެވެ.
