ރައީސް ޔާމީން.. ރައީސް ޔާމީން.. ރައީސް ޔާމީން.. ރައީސް ޔާމީން.. މިއީ އެއް ދުވަސްކޮޅެއްގައި އެއްވެސް ވަރަކަށް ކެނޑޭ އަޑެއް ނޫނެވެ. އެއްވެސް ބެފުޅަކު ހަނދާން ވެސް ނެތުނު ނަމެއް ނޫނެވެ.

މިވާހަކަ މިހެން ދައްކާލާއިރު މިއީ ދައްކަން ވެސް ޖެހޭނެ ވަރަށް މުހިންމު ވާހަކައެކެވެ. މާލޭގެ އެއް ބޮޑު މަގެއްކަމަށްވާ މަޖީދީ މަގުގެ ދެކޮޅަށް " ފްރީ ޕްރެޒިޑެންޓް ޔާމީން" ޖަހާފައިހުރި ޓީޝާޓް ތުރުކުރައްވައިގެން ބަޔަކު އިހްތިޖާޖްވެސް ކުރި މަންޒަރަކީ ހަނދާނުން ނައްތާލަން ވަރަށް އުނދަގޫ ވާނެ މަންޒަރެކެވެ. އެސްއޯ ފުލުހުން ހައްޔަރުކޮށްފާނެތީ ނުވަތަ އަނިޔާއެއް ކޮށްފާނެތީ ބިރުން އުޅުނުހެންވެސް ހިޔެއްނުވެއެވެ. ޕެޕާ ސްޕްރޭގެ ޝިކާރަޔަށް ވާން ހޭވައްލާ ތައްޔާރުވެފައި ތިއްބެވެ.ކޯޓުތަކަށް ވަޑައިގެން ކުރީ ސަރުކާރުން ރައީސް އަބްދުﷲ ޔާމީން އަބްދުލްގައްޔޫމްގެ މައްޗައް ކުރީ ހަރާން ހުކުމެއްކަމަށް ވިދާޅުވެ ޖާނުން ބަޔަކު ގުރުބާން ވެސްވިއެވެ.

އަރައި ވަޑައިގެންނަވާ ކޮންމެ ޕޯޑިއަމެއްގައި.. އަރައި ވަޑައިގެންނަވާ ކޮންމެ ޓީވީ ސްޓޭޝަނެއްގެ ޕްރޮގްރާމްގައިވެސް އެންމެ ފުރަތަމަ ދައްކަވަނީ ރައީސް ޔާމީންގެ ވާހަކައެވެ. އެއް ރާގެއްގައި ރައީސް ޔާމީން .. ރައީސް ޔާމީން.. ރައީސް ޔާމީން މިފަދައިން ބަޔަކު ވިދާޅުވެ އުޅުނެވެ.

ނިމިދިޔަ ރިޔާސީ އިންތިޚާބުގެ ދުވަސްވަރަށް އަލިއަޅުވާލާއިރުވެސް ވަރަށް ކަންކަން ފެން ފޮދެއްހާ ސާފެވެ. އެގޮތުން ރައީސް ޔާމީންގެ ކެންޑިޑެސީ ބާތިލް ކުރުމުން ބައެއްގެ ހިތްތަކުގައި އެއް ރާގެއްގައި ގިޓާ ކުޅެލެވުނީ އިހްތިޔާރުގައިކަމެއް ނުވަތަ ބޭއިހްތިޔާރުގައި ކަމެއް ނޭނގެއެވެ. މާމެލާމެލި ފޮޅޭ ޒާތައް މި ބޭފުޅުން އުފަލުން ފޮޅެންފެށިއެވެ.

ލަސްތަކެއް ނުވެ ދެ ޕާޓީގެ ފަރާތުން ރިޔާސީ ރޭހުގައި ވާދަކުރައްވާނެ ކެންޑިޑޭޓެއް ދެއްކުމުން ރައީސް ޔާމީނަށް ތާއިދު ކުރައްވާ ފަރާތްތަކުން އެ ބޭފުޅާއަށް ތާއިދު ކުރަން ނިންމިއެވެ. ރައީސް ޔާމީން މިނިވަން ކުރައްވާނެ ކަމުގެ ނިޔަތެއް އެ ފަރާތުގައި އޮވެދާނެކަމަށެވެ.

ކެމްޕެއިން ދުވަސްވަރު ޕޯޑިއަމްތަކަށް މިވެރިން އަރައި ވަޑައިގެން ދެއްކެވީ އެމަނިކުފާނު މިނިވަން ކުރައްވާނެ ވާހަކަތަކެވެ. އެގޮތުން ރައީސް ޑރ.މުހައްމަދު މުއިއްޒުގެ ސްޕެޝަލް އެޑްވައިޒަރު އަދި ޕީއެންސީގެ ޗެއާ ޕާސަން އަބްދުލް ރަހީމް އަބްދުﷲ އަކީ ރައީސް ޔާމީން ވަރުގެ ވެރިޔެއްނެތިގެން އުޅުއްވި އެއް ފަރާތްކަން އަޅުގަނޑު ނުބުނި ކަމުގައިވީނަމަވެސް ހުރިހާ ފަރާތްތަކަށް އެނގޭނެއެވެ.

ޕޯޑިއަމަކަށް އަރައިވަޑައިގެން އަބްދުއްރަހީމް ދެއްކެވި ވާހަކައަކަށް އަލިއަޅުވާލާނަން.. ފަށުވި ރާގުގައި ޅެން ބައިތެއް ކިޔާލި ފަދައިން އެންމެ ފުރަތަމަ ވެސް ވިދާޅުވީ ދިވެހި ގައުމު ދެމިއޮތްހާ ހިނދަކު އެ ބޭފުޅެއްގެ ހިދުމަތް ފަނޑުވެގެން ނުދާނެކަމަށާއި މި ރަށްތައް ފެންމަތީގައި އޮތްހާ ހިނދަކު އެ ބޭފުޅެއްގެ ތަރައްޤީ ވިދަ ވިދާ ހުންނާނެ ކަމަށާއި ދިވެހިރާއްޖެ އެންމެ ފަހުގެ ތާރީހުގައި ދުށް އެންމެ ހިދުމަތްތެރި ރައީސް އަކީ ރައީސް ޔާމީން ކަމަށް.. ކަން މިހެން އޮތް އިރު..މިހާރު ރައީސް ޔާމީންގެ ހިދުމަތް ފަނޑުވީތޯ؟ ފެންމަތީގައި އޮތް ރަށް ތައް މިހާރު މިއޮތީ ފެނުގެ އަޑީގައިތޯ؟ ދިވެހިރާއްޖެ އެންމެ ފަހުގެ ތާރީހުގައި ދުށް އެންމެ ހިދުމަތްތެރި ރައީސްއެއް ނޫންތޯ އެމަނިކުފާނަކީ؟

ރައީސް ޔާމީން ރައީސް ޔާމީން... އިންތިޚާބުގެ ކުރިން ދެއްތޯ؟