ހުކުރު ދުވަހުން ފެށީގެން އައްޑޫ ސިޓީ ހުޅުދޫގައި މަސްވެރިން ކުރަމުން ގެންދާ މުޒާހަރާގެ ޑިމާންޑްތަކާ މެދު ސަރުކާރުން ގޮތް ނިންމުމުގަިއ ަލސްވަމުންދާތީ މަސް ފެކްޓަރީގެ ކޮންޓްރޯލު ަމސްވެރިންނަގާ ތަނުގެ މުވައްޒަފުންނަށް ބޭނުްނވާ ބައެއް އަސާސީކަންކަން ހުއްޓުމަކަށް އައިސްފިއެވެ.

ތޭރަ އޮންލައިނަށް މައުލޫމާތު ދެމުން އޭއެފްސީގައި މަސައްކަތްކުރާ ސީނިއަރ ސްޓަފަކު ބުނެފައިވަނީ ރެއިން ފެށިގެން ތަނުން ކަރަންޓަ ފެން ނުލިބޭ ކަމަށާ މުވައްޒަފުން ރޭ ނިދީވެސް މަގުމަތީ ސަތަރި އަޅައިގެން ކަމަށެވެ. އަދި އިއްޔެގެ މުޒާހަރާގެ ތެރެއިން މަސްވެރިން ވަނީ ސްޓާފް ކެންޓީން ބަންދުކޮށްފައި ހުއްޓާ އެތަނުގައި ހުރި ކާނާ ބޭނުންކޮށްފައި ކަމަށް ވެސް ބުނެފައިވެއެވެ.

މިފްކޯއިން މިކަމާ ގުޅިގެން މައުލުމާތު ދީފައިވާ ގޮތުގައި މިއަދު ހަވީރު 4 ގެ ފަހުން އައްޑޫ ފިޝަރީޒް ކޮމްޕްލެކްސްގެ މުވައްޒަފުން ނެރެ އޮޑިވެރިންނާއި މަސްވެރިންގެ ބެލުމުގެ ދަށަށް ސައިޓް ގެންނާނެކަމުގެ އިންޒާރު ދީފައިވާ ކަމަށެވެ. އަދި މީގެ އިތުރުން މުވައްޒަފުންގެ ކެއިން ބުއިމާއި ފާހާނާ ކުރުން ފަދަ ޒަރޫރީ ބޭނުންތައް ވަނީ ނުފުއްދިފައި ކަމަށް މިފްކޯއިން ބުންޏެވެ.

މި ސަރުކާރުން މަސްވެރިންނަށް ވީ އެންމެ ބޮޑު ވައުދަކީ މަސް ކިރާތާ 48 ގަޑިއިރު ތެރޭގައި މަސްވެރިނަށް ފައިސާ ދޫކުރުމުގެ ވަޢުދުކަމަށްވީ އިރު މަސްވެރިންނަށް ވި ވައުދު ނުފުއްދާތީ ަމސްވެރިން ގެންދަނީ ރާއްޖޭގެ އެކި ކަންކޮޅުތަކުގައި އިހުތިޖާޖުކުރަމުންނެވެ. އަދި އައްޑޫގައި ކުރިއަށް ގެންދާ އިހުތިޖާޖުގެ ސަބަބުން އޭއެފްސީގެ މުވައްޒަފުންގެ ޙައްގުތަކެއް ގެއްލިފައިވާއިރު އެކަމުުގައި ސަރުކާރުގެ ބަހެއް ނެތވެ. އަދި ހައްގުތަކުން މުވައްޒަފުންތަކެއް މަހްރޫމުވެފައި ތިބި ތިބުމާ ގުޅިގެން އެއްވެސް ފިޔަވަޅެއްވެސް އަޅާފައިނުވެއެވެ.

މި ހާލަތުގައި އަމްނު ބަލަހައްޓަން މަތިކޮށްފައިވާ ފަރާތްކަމަށް ދިވެހި ފުލުހުންގެ އިދާރާއިން ހަމައެކަނި ބަޔާނެއް ނެރެފައި ފުއްދާލީ ކަމަށްބުނެ އޭއެފްސީގެ ބައެއް ދިވެހި މުވައްޒަފުން ވަނީ ހިތްހަމަ ނުޖެހުން ފާޅުކޮށްފައެވެ. ސަރުކާރުގެ މުވައްޒަފުންތަކެއް ބިކަކޮށް ހާލުގައި ޖައްސާފައިވާއިރު ސަރުކާރުން އެކަމަށް އެންމެ އެކަށޭނެ ފިޔަވަޅު ނާލާކަމުގެ ހިތްހަމަ ނުޖެހުން ތަނުގެ މުވައްޒަފުން ފާޅުކޮށްފައިވެއެވެ.

އޭއެފްސީއަކީ ބިދޭސީންވެސް ހިމެނޭ ގޮތަށް 100 އަށް ވުރެ ގިނަ މުވައްޒަފުން މަސައްކަތްކުރާ ތަނެކެވެ.