މަރުވެފައި އޮއްވާ ފެނުނު ނޭޕާލު އަންހެން މީހާ ވަޅުލާނީ ރާއްޖޭގައި ކަމަށް ފުލުހުން ހާމަކޮށްފިއެވެ.
މައުލޫމާތު ލިބިފައިވާ ގޮތުގައި މިދިޔަ މެއި މަހުގެ 25 ވަނަ ދުވަހު ސިނަމާލެ ބްރިޖު ކައިރިން މަރުވެފައިވާ އޮއްވާ އޮޔައި ދިޔަ 25 އަހަރުގެ ނޭޕާލުގެ އަންހެން މީހާގެ ހަށިގަނޑު ރާއްޖޭގައި ވަޅުލުމަށް ނިންމާފައިވަނީ އޭނާގެ ހަށިގަނޑު އެ ގައުމަށް ގެންދަން އާއިލާއިން ގަބޫލުނުވުމާ ގުޅިގެންނެވެ.
ފުލުހުން ހާމަކޮށްފައިވާ ގޮތުގައި ހަށިގަނޑު މޯޗަރީގައި ބާއްވާފައި އޮތީ އާއިލާގެ އެދުމުގެ މަތިން ކަމަށެވެ. އާއިލާގެ މީހަކު ހަށިގަނޑާ ހަވާލުވާން ރާއްޖެ އަންނާނެ ކަމަށްވެސް ވަނީ ހާމަކޮށްފައެވެ. އަދި ފުލުހުންނާ ގުޅިގެން ކަންތައްތަކެއް ބަލަމުންދާތީވެ ކަމަށެވެ. އިތުރު ތަފްސީލެއް ހިއްސާއެއް ނުކުރެއެވެ.
އަންހެން މީހާގެ ހަށިގަނޑު މޯޗަރީގައި ބާއްވާފައި އޮންނަތާ މަހަކާ ވަނީ ގާތްވެފައެވެ.
ފުލުހުން މީގެ ކުރިން ހާމަކުރި ގޮތުގައި ނޭޕާލުގެ އަންހެން މީހާ އަކީ މޭ މަހުގެ އެއްވަނަ ދުވަހު ރާއްޖެ އައި މީހެއް ކަމަށެވެ. އޭނާ މަސައްކަތް ކުރަމުން ދިޔައީ މާލޭ ގެސްޓު ހައުސްއެއްގައި ކަމަށާއި އެ ތަނުގައި އޭނާ ދިރިއުޅެމުން ދިޔައީ އެ ލޯބިވެރިޔާއެކު ކަމަށް ވިދާޅުވި އެވެ.
އޭނާ ލޯބީގެ ގޮތުން ގުޅިގެން އުޅޭ ބިދޭސީ މީހާއާ އެކު މާލޭ މަގުމަތީގައި އުޅޭ މަންޒަރު ސީސީޓީވީ ފުޓޭޖުން ފުލުހުންނަށް ފެނިފައިވެ އެވެ.
