ޕީއެންސީ އެދަނީ ބޮކިޖަހާފަ އަޑިއަށްކަމަށް ޕީއެންއެފްގެ ސެކެޓްރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައިއެވެ.
އާދިއްތަ ދުވަހުގެ ރޭ ރައީސް ޑރ. މުހައްމަދު މުއިއްޒު ވަނީ ވެރިކަން ކުރާ ޕާޓީގެ އައު ޖަގަހަ، އަދި އެ ޕާޓީގެ މައި ޖަގަހަ ހުޅުއްވާދެއްވާފައިއެވެ.
މި ހަފްލާގައި ވާހަކަފުޅު ދައްކަވަމުން މަޖިލިސް ރައީސް އަބްދުއްރަހީމް އަބްދުﷲ ފައިސާގެ ދަތިކަމާއި މެދު ނުހަނު ހިތްޕުޅާވެގެން ވާހަކަފުޅުދައްކަވާފައިއެވެ.
މަލީހު ވިދާޅުވީ، މިފަދަ ވާހަކަދެއްކުމަކީ ވަރަށް ޒިންމާކުޑަ، ބިރުވެރި ކަމެއް ކަމަށެވެ. އަދި މަޖިލިޙުގެ ރައީސް އަކީ ޕީއެޗްޑީ މި ލަފްޒުވެސް ކިޔަން ނޭނގޭނެ ބޭފުޅެއް ކަމަށް މަލީހު ވަނީ ތުހުމަތު ކުރައްވާފައިއެވެ.
މިފަދައިން ޖާހިލުކަމާއިއެކު ތައުލީމަށް ހަޖޫ ޖަހާ ތައުލީމް އުނގެނުން ދަށް ފެންވަރު ކުރުމަކީ ނުރައްކާތެރިކަމެއް ކަމަށް ޕޯސްޓު ނިންމާލަމުން މަލީހު ވިދާޅުވިއެވެ.
