ވެރިކަން ހޯދުމުގެ ދަހިވެތިކަމުގައި އަބުދުއްރަހީމު އަބްދުﷲ (އަދުރޭ) ރައީސް އަބްދުﷲ ޔާމީނަށް ޣައްދާރުވެފައިވާކަން ހާމަވެއްޖެ ކަމަށް ދިވެހި ރައްޔިތުން ބުނެފިއެވެ.

ރައީސް ޔާމީނަށް ވަގަށް. ޑރ. މުހައްމަދު މުއިއްޒަށް ވެރިކަން ހޯދަދޭން ރޭވުންތައް ރޭވިކަމަށް އަދުރޭ ވިދާޅުވުމާ އެކު ރައްޔިތުންވަނީ އަދުރޭއަކީ ރައީސް ޔާމީނަށް ހަރާންކޯރުވެފައިވާމީހެއްކަން ފާހަގަކޮށްފައެވެ.

މީގެ އިތުރުން އަދުރޭއަކީ ބަތާ ހަރާމީއެއް ކަމާ ރައީސް ޔާމީނަށް ޣައްދާރުވީ މީހަކު ރައީސް މުއިއްޒަށްވެސް ޣައްދާރުވާނެކަން ދަންނަ ޖެހޭ ކަމަށްވެސް ބުނެފައިވެއެވެ.

މީގެ އިތުރުން އެއް ފުޅަށް މަތިން ފުންމާލި ބަކަރި އަނެއް ފުޅަށް މަތިންވެސް ފުންމާނެކަން ރައީސް މުއިއްޒުވެސް މިއަދު އަތް ޖައްސަވަން އިންނަވާ ވިސްނަން ޖެހޭ ކަމަށް ވެސް ބައެއް ރައްޔިތުން ބުނެފައިވެއެވެ.

ރައީސް ޔާމީންގެ ވާހަކަ އަދުރޭއަށް ދެއްކެން ނެތް ކަމަށާ އަދުރޭގެ ޕްޕލޭން އަބަދުވެސް އޮތީ ރައީސް ޔާމީން ނުހައްގުން ޖަލުގައި ބާއްވައިގެން އެމަނިކުފާނުގެ ފޮޓޯފުޅާ ނަންފުޅުވެސް ބޭނުންކޮށްގެން ރާއްޖޭގެ ވެރިކަން ހޯދުން ކަމަށްވެސް ބައެއް މީހުން ބުނެފައިވެއެވެ.

މީގެ އިތުރުން ރައްޔިތުންގެ ހައްގުގައި ރޭވި ރޭވުމެއް ކަމަށް އަދުރޭ ބުނާއިރު ފެނިގެން ދަނީ އަދުރޭ ވެރިކަން ގެނައީ އަދުރޭ ވަންހައިގެން މީހުންނަށް ވަޒީފާދީ މުޅި ގައުމު ދަވާލަންކަން ހާމަވަމުން ދާ ކަމަށް ބުނެވެސް ބައެއް މީހުން އަދުރޭއަށް ފާޑުކިޔާފައިވެއެވެ.

އަދުރޭއަށް ރައްދު ދީ އިތުރު މީހަކު ބުނެފައިވަނީ އަދުރޭ އަދުރޭއަކަށް ހެދީ ވެސް ރައީސް ޔާމީން ކަމަށާ އަދުރޭއަށް އަދުރޭގެ ދޮގުތަކުގެ އަސަރު ދުނިޔެމަތިން ފެންނާނެ ކަމަށެވެ.

މިއާއުއެކު އަދުރޭއަކީ މަޖިލިސް ރައީސްކަމަށް ކުފޫ ހަމަނުވާ މީހެއްކަން ހާމަވެއްޖެ ކަމަށްވެސް ބުނެފައިވެއެވެ. އަދި ރައީސް ޔާމީން ވިދާޅުވި މިނިކާ ބާޒުތައް މިހާރު އެބަ ހާމަވާ ކަމަށްވެސް ބުނެ ގިނަ ބަޔަކު އަދުރޭއަށް ފާޑުކިޔާފައިވެއެވެ.

އަދުރޭ ހިތުން މޮޅުތަކެއް ވާނެ ކަމަށް ދެއްކި ވާހަކއާ އެކު އޭނާގެ އަގު އިތުރަށް ރައްޔިތުން ކުރިމަތީ ވެއްޓި އޭނާގެ މުނާފިގުކަން މިވަނީ ހާމަވެގެން ގޮސްފައެވެ.