ޓީވީ ސްޓޭޝަންސްތައް ހަދައިގެން ސަރުކާރު ޒިންމާދާރު ކުރުވަން ކުރާ މަސައްކަތުގައި ނޫސްވެރިން މަޖިލީހަށް ޙާޒިރުކުރާނެ ކަމަށް މެޖޯރިޓީ ލީޑަރު އިބްރާހިމު ފަލާހުގެ އިންޒާރެއް ނޫސްވެރިންނަށް އަމާޒުކޮށްފިއެވެ.

ވެރިކަން ކުރާ ޕީއެންސީގެ ހަރުގެ ހުޅުވުމަށް ބޭއްވި ޖަލްސާގައި ވާހަކަ ދައްކަމުން އިނގުރައިދޫ ދާއިރާގެ މެމްބަރުކަން ވެސް ކުރާ ފަލާހު ވަނީ ސަރުކާރާ ދެކޮޅަށް ދޮގުތައް އުފައްދަނީ ދައުލަތުން ފައިސާ ނަގައިގެން ސިޔާސީ ޕާޓީތަކުން ހިންގާ ޓީވީ ޗެނަލްތަކުން ކަމަށް ިވދާޅުވެފައެވެ. އަދި އެ ޓީވީ ސްޓޭޝަންސްތަކުން ސަރުކާރާ މެދު ރައްޔިތުންގެ ހިތުގައި ނަފްރަތު އުފެއްދފުމާ ދޮގު ވާހަކަ ފެތުރުން ފަދަ ކަންކަން ހިންގަމުން ދާކަމަށް ފަލާހު ތުހުމަތުކޮށްފައިވެއެވެ.

އެހެންކަމުން "ޕާޓީތަކުން ހިންގާ ޓީވީ ޗެނަލްތައް" މަޖިލީހުގެ ކޮމިޓީތަކަށް ހާޒިރުކުރާނެކަމުގެ އިންޒާރު ފަލާހު ދީފައިވެއެވެ.

ފަލާހު މިފަދައިން އިންޒާރުދިފައި މިވަނީ ނޫސްވެރިންނަށް ދަތިކޮށް ނޫސްވެރިކަމަށް މި ސަރުކާރުގެ ބޮޑުން ހުރަސް އަޅަމުން ގެންދާކަމުެގ ތުހުމަތު ގިނަ ބަޔަކު ކުރަމުން ގެންދާވެސް ދަނޑިވަޅެއްގައެވެ.