ރަސްމީ ދަތުރެއްގައި އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ޗައިނާއަށް ފުރާވަޑައިގެންފިއެވެ.

މިކަން ހާމަކުރައްވާފައި ވަނީ އެ ވުޒާރާއިންނެވެ.

އެގޮތުން އެ ވުޒާރާއިން ބުނި ގޮތުގައި މިނިސްޓަރު ޗައިނާއަށް ފުރާވަޑައިގެންފައިވަނީ ހޯމަ ދުވަހުއެވެ.

އަދި މި ދަތުރަކީ ޗައިނާގައި މި މަހުގެ 24 ވަނަ ދުވަހުން ފެށިގެން މި މަހު 28 އަށް ކުރިއަށްދާ ޗައިނާ-ޔޫރޭޝިއާ އެކްސްޕޯގައި ބައިވެރިވެލެއްވުމަށް ކުރައްވާ ދަތުރެކެވެ.

މި އެކްސްޕޯ ކުރިއަށްދާނީ އެ ގައުމުގެ ސިންޖިއަން ރީޖަންގެ އުރުމްގީގައި ކަމަށް ވެސް އެ ވުޒާރާއިން ވަނީ ހާމަކޮށްފައެވެ.

މިއީ ވަޒީރުކަމުގެ ރުހުން ލިބިވަޑައިގަތުމަށްފަހު މިނިސްޓަރު ޝަހީމް ކުރައްވާ ފުރަތަމަ ރަސްމީ ދަތުރުކަން ވެސް ފާހަގަކޮށްލެވެއެވެ.