ގއ. ވިލިނގިލީގައި ގަނާކުރިކަމަށް ބުނެ ފެންމަތިވި މައްސަލަ ބަލަމުން އަންނަ ކަމަށް ފުލުހުންގެ ހިދުމަތުން ބުނެފިއެވެ.

ފުލުހުންގެ ތަރުޖަމާނު އަހުމަދު ޝިފާން ވިދާޅުވީ އެ މައްސަލަ ގުޅުންހުރި އިދާރާތަކާ އެކު ބަލަމުންދާ ކަމަށެވެ.

އަދި މިކަމުގައި މަސްލަހަތު ހިމެނޭ ފަރާތްތަކަށް ރައްކާތެރި މާހައުލެއް ޔަގީންކޮށް ދިނުމަށް ކުރަންޖެހޭ ކަންކަން ވެސް ފުލުހުން ކުރަމުންދާ ކަމަށް އޭނާ ވަނީ އެކްސްގައި ކުރި ޕޯސްޓެއްގައި ފާހަގަކުރައްވާފައެވެ.

ކުޑަކުދިންނާމެދު އެކުދިންގެ ރައްކާތެރިކަމާއި ދިރިއުޅޭ މާހައުލުގެ އުފާވެރިކަން ގެއްލޭ ޒާތުގެ ވާހަކަ ދެއްކުމާއި ކަންކަން އެއްވެސް ފަރާތަކުން ނުކުރުމަށް ޝިފާން ވަނީ އެދިފައެވެ.

"ތޭރަ އޮންލައިން" އަށް މައުލޫމާތު ދިން އެ ރަށު މީހަކު ބުނި ގޮތުގައި ގަނާ ކުރާކަމަށް ބުނެ އެ ކުއްޖާ އަންނަނީ ދޮގު ހަދަމުންނެވެ.