އައްޑޫ މަސްވެރިންގެ މުޒާހަރާ މެދުކެނޑުމެއް ނެތި ކުރިއަށްދާއިރު އެ މަސްވެރިންގެ އާއިލާތަކުން ވެސް މުޒާހަރާގައިބައިވެރިވެ، ރައީސް މުހައްމަދު މުއިއްޒާ މަސްވެރި ވަޒީރުގެ އަހުމަދު ޝިޔާމްގެ އިސްތިއުފާއަށް ގޮވައިފިއެވެ.

މަސްވެރިންނަށް ލިބެން ޖެހޭ ހައްގު ފައިސާ ނުލިބިގެން އައްޑޫގައި މަސްވެރިން މުޒާހަރާ ކުރާތާ އެއް ހަފްތާއަށް ވުރެ ގިނަވެފައިވާއިރު އެ މުޒާހަރާ ގުޅިގެން އައްޑޫގައި ހުންނަ ފިޝަރީޒް ކޮމްޕްލެކްސްވެސް ވަގުތީ ގޮތުން އޮޕަރޭޝަންސް ހުއްޓާލިއެވެ. އަދި ފުލުހުން މެދުވެރިކޮށް މަސްވެރިންނަށް އިންޒާރުވެސް ދިނެވެ.

ނަމަވެސް އެ މަސްވެރިން ދަނީ ދޫދިނުމެއް ނެތި މުޒާހަރާ ކުރިއަށް ގެންދަމުންނެވެ. އެގޮތުން މި ހުކުރު ދުވަސްހުވެސް އިހުތިޖާޖު ކުރިއަށް ގެންދިޔައިރު އެ ދުވަހުގެ އިހުތިޖާޖުގައި މަސްވެރިންގެ އާއިލާތަކުންވެސް ނިކުމެ މުޒާހަރާގައި ބައިވެރިވެ އަޑު އުފުލާފައިވެއެވެ.

އެގޮތުން ⁠ސަރުކާރުން ވެރިކަމަށް އައީ ބޮޑެތި އޮޅުވާލުންތަކާ އެކުގައި ކަމަށް އެ އާއިލާތަކުން ތުހުމަތުކޮށްފައިވެއެވެ. އަދި ހިތްހަމަ ނުޖެހިފައި ތިބި މަސްވެރިން ބުނަނީ މަސްކިރާތާ 48 ގަޑިއިރު ތެރޭ މަސްވެރިންނަށް ފާއިސާ ދޭން ބުނެފައި ވެރިކަމަށް އައި ނަމަވެސް އެކަންވެސް ނުކުރި ކަމަށެވެ.

މުޒާހަރާގައި ބައިވެރިވާ މަސްވެރިން ސަރުކާރަށް ގޮވާލަމުން ދަނީ 48 ގަޑީއިރު ދޭން ވައުދުވި ފައިސާ ދިނުން އަވަސް ކުރުމަށެވެ.

މީގެ އިތުރުނުން މަސްވެރިންގެ ޝަކުވާތަކަށް ސަރުކާރުން ބިރުކަންފަތެއް ދީފައި ހަމަޖެހިގެން ނުތިބެވޭނެ ކަމަށާ މަސްވެރިންނަށް ފާއިސާ ނުލިބެންޏާ މާލެ އަރަން ޖެހުނަސް އެކަން ކުރަންވެސް ތައްޔާރަށް ތިބި ކަމަށް މަސްެރިންގެ އާއިލާތަކުން ބުނެފައިވެއެވެ. އަދި ރައީސް ޑރ. މުހައްމަދު މުއިއްޒު އާއި މަސްވެރިކަމާ ބެހޭ ވަޒީރު އަހްމަދު ޝިޔާމްގެ އިސްތިއުފާ އަށް ގޮވާލާފައިވެއެވެ.

ކަންކަން މިހެން ހުރިއިރު މި ސަރުކާރު ވެރިކަމަށް އައި މަސް ގަންނަ އަގު ސަރުކާރުން ދަށް ނުކުރާނެ ކަމަށް ބުނަމުން ނަމަވެސް މިހާރު ސަރުކާރުން ވަނީ އަންނަ ހޯމަ ދުވަހުން ފެށިގެން މަސް ގަންނަ އަގުވެސް ތިރި ކުރަން ނިންމާފައެވެ. މިކަމާ ގުޅިގެން ވެސް މަސްވެރިން ގެންދަނީ ހިތް ހަމަ ނުޖެހުން ފާޅުކުރަމުންނެވެ،