ލ. ދަނބިދޫގައި މޫދަށް އެރި އުޅުނު މީހަކު ނިޔާވެއްޖެއެވެ.

ނިޔާވެފައިވަނީ އެރަށު ނިޔަދުުރުމާގެ އާމިނަތު އުމަރުއެވެ. އޭނާއަކީ އުމުރުން 65 އަހަރުގެ އަންެހެނެކެވެ.

މިކަމާ ގުޅިގެން މައުލޫމާތު ހިއްސާކުރައްވަމުން ފުލުހުން ވިދާޅުވެފައިވަނީ ދަނބިދޫ އިރުމަތީ ފަރާތު ކޯސްވޭ ސަރަހައްދު މޫދުގައި މީހަކު އޮޔާދަނިކޮށް ފެނިގެން ހެލްތު ސެންޓަރަށް ގެންގޮސްފައިވާކަމަށް މިއަދު 16:55 ހާއިރު ރިޕޯޓުކުރި ކަމަށެވެ. ހެލްތު ސެންޓަރަށް ގެންދިޔައިރު ވެސް އެ މީހާ އޮތީ މަރުވެފައި ކަމަށް އެ ސެންޓަރާ ހަވާލާދީ ފުލުހުން ބުންޏެވެ.

ފުލުހުން ބުނީ އެ މަރާ ގުޅިގެން އިތުރަށް ބަލަންޖެހޭ ކަންތައްތައް ބަލަމުންދާ ކަމަށެވެ.