އަންހެނެއްގެ ބޮލުގައި ގަލަކުން ޖަހާ، ޒަހަމް ކޮށްލި މީހަކު ހައްޔަރުކޮށްފިއެވެ.
އުމުރުން 32 އަހަރު ދިވެހި ފިރިހެން މީހާ ހައްޔަރުކުރީ ގއ. ވިލިނގިލީ އަންހެނެއްގެ ބޮލުގައި ގަލަކުން ޖަހައި މާރާމާރީ ހިންގައި ޒަހަމް ކޮށްލުމުން ރޭގައެވެ.
މި މާރާމާރީގައި އަނިޔާވެފައި ވަނީ 46 އަހަރުގެ އަންހެނަކަށެވެ. އޭނާއަށް ގއ. އަތޮޅުގެ ހޮސްޕިޓަލުގައި ވަނީ ފަރުވާ ދީފައެވެ. އަދި މައްސަލަ ފުލުހުން ގެންދަނީ ބަލައި ތަހުގީގު ކުރަމުންނެވެ.
