ވައިރަލް ހުމާއި ރޯގާ އިތުުރުވެ، ފެތުރެމުންދިޔުމުގެ ސަބަބުން ހެލްތް މިނިސްޓްރީން މާލޭ ސަރަހައްދުގެ ތިން ތަނެއްގައި ފްލޫ ކްލިނިިކްތަކެއް ހުޅުވައިފި އެވެ.
ހެލްތު މިނިސްޓްރީން ބުނީ ފްލޫ ކްލިނިކްތައް ގާއިމުކުރީ ހައްޖުވެރިން އަނބުރާ ރާއްޖެ އައުމާ ގުޅިގެން އެމީހުންނަށް ހާއްސަކޮށް އަދި މި ދުވަސްވަރު ވައިރަލް ރޯގާ ފެތުރެމުން ދިޔުމުގެ ސަބަބުން އާންމު ސިއްހަތުގެ ރައްކާތެރިކަމަށް ސަމާލުކަން ދިނުމުގެ ގޮތުން ކަމަށެވެ.
މި ފްލޫ ކްލިނިކްތައް ގާއިމުކޮށްފައިވަނީ އައިޖީއެމްއެޗްގެ އިތުރުން ވިލިމާލެ އަދި ހުޅުމާލޭގައެވެ.
މިނިސްޓްރީން ބުނީ މި ފްލޫ ކްލިނިކްތަކަކީ ހުމާއި ކެއްސުން އަދި ނޭވާލާ ނިޒާމަށް ޖެހޭ ބަލިތަކަށް ހާއްސަ ކްލިނިކް ތަކެއް ކަމަށެވެ. އަދި މިއީ އާންމުންގެ ސިއްހަތު ރައްކާތެރި ކުރުމުގެ ގޮތުން އަޅާ ފިޔަވަޅެއް ކަމަށެވެ.
