ރައްޔިތުންގެ މަޖިލީހުގެ ޖުޑިޝަރީ ކޮމިޓީ އިން ބޭއްވި ބައްދަލުވުން ސިއްރުކޮށްފިއެވެ.
ސިއްރުކޮށްފައިވަނީ އެ ކޮމިޓީން ބަލަމުން އަންނަ ޓެކްސް އެޕީލް ޓްރައިބިއުނަލާ ގުޅޭ ގޮތުން ބޭއްވި ކޮމިޓީ ބައްދަލުވުމެވެ.
އެގޮތުން ޓެކްސް އެޕީލް ޓްރައިބިއުނަލާ ގުޅޭ ގޮތުން މީހަކު ހުށަހަޅާފައިވާ ސިޓީއަކާ ގުޅުން ހުރި މައްސަލާގައި މިއަދު އޮތީ އެ މައްސަލަ ހުށަހެޅި މީހާއާ ބައްދަލުކުރުމެވެ.
ނަމަވެސް، ކޮމިޓީ ފެށުމާ އެކު، ހޮޅުދޫ ދާއިރާގެ ޕީއެންސީގެ މެންބަރު އަބްދުއްސައްތާރު މުހައްމަދު ވަނީ ބައްދަލުވުން ސިއްރު ކޮށްގެން ކުރިއަށް ގެންދަން ހުށަހަޅުއްވައިފައެވެ. އެ ހުށަހެޅުން ކޮމިޓީން ފާސްކޮށް، ބައްދަލުވުން ސިއްރު ކުރިއެވެ.
ރައްޔިތުންގެ މަޖިލީހުގައި މިއަދު އޮތް ސަލާމަތީ ހިދުމަތްތަކާ ބެހޭ ކޮމިޓީގެ ބައްދަލުވުން ވެސް ވަނީ ސިއްރު ކޮށްފައެވެ. އެ ބައްދަލުވުމަކީ ހޯމް މިނިސްޓަރު އަލީ އިހުސާނާއި ފުލުހުންގެ އިސް ބޭފުޅުންނާ ބައްދަލު ކުރަން ބޭއްވި ބައްދަލުވުމެކެވެ.
