ސަރުކާރު ބަދަލުވުމަށްފަހު ބާއްވާފައިވަ ފުރަތަމަ އިންތިހާބުގެ ގޮތުގައި ބާއްވައިފައިވަނީ މާލެ ސިޓީ ކައުންސިލްގެ ބައި އިލެކްޝަނެވެ. މި އިންތިހާބު ބާއްވައިފައިވަނީ ރައީސުލްޖުމްހޫރިއްޔާ، ސަރުކާރާއި ހަވާލުވުމަށްޓަކައި މޭޔަރު ކަމުގެ މަގާމުން އިސްތިއުފާ ދިނުމާއި ގުޅިގެންނެވެ. މި އިންތިހާބަށް ތައްޔާރު ވުމަށްޓަކައި ސަރުކާރު ހިންގާ މައި ޕާޓީ، ޕީއެންސީއިން ވެސް ވަނީ ވަރުގަދަ ގާބިލް ކެނޑިޑޭޓެއްކަމަށްބުނެ ބޭފުޅަކު ނެރެފައެވެ. ނަމަވެސް ފެންނަމުން ދިޔަ ތަރުހީބަކަށް، ލިބުނު ނަތީޖާ އިންސާފެއް ނުކުރެއެވެ.

ރައީސް އަބްދުﷲ ޔާމީން އަބްދުލް ޤައްޔޫމް، ޕީޕީއެމް ޕީއެންސީ ކޯލިޝަނުން ވަކިވެވަޑައިގެން އައު ސިޔާސީ ޕާޓީއެއް އުފެއްދުމުގެ ބުރަ މަސައްކަތުގައި މަސްއޫލުވެގެން އުޅުއްވާ އިރު ފެނިގެން ދިޔައީ އެކަމަށް، ރައީސް މުއިއްޒު ދެއްކި ކެންޑިޑޭޓަށް ލިބުނު ތަރުހީބަށް ވުރެ ބޮޑު ތަރުހީބެއް ލިބެމުން ދިޔަ މަންޒަރެވެ. ރައީސް މުއިއްޒު ކެންޑިޑޭޓެއް ނެރުނީ ރައީސް ޔާމީން އެމަނިކުފާނު ނެރުމުން ލިބުނު ތާއީދާއި އެއްފަދައިން، އެ ކެންޑިޑޭޓަށް ވެސް ތާއީދު ލިބޭނެ ކަމުގެ އުންމީދުގައެވެ. ނަމަވެސް ވީ އެހެނެއް ނޫނެވެ.

ކެމްޕެއިން ތެރޭގައި ފެނިގެން ދިޔައީ ސިޔާސީ މަގާމްތަކަށް ސަރުކާރުން ނަގާފައި ތިބި މިނިސްޓާރުންނާއި، ޑެޕިއުޓީ މިނިސްޓާރުން ލައްވާ ކެމްޕެއިންކޮށް ބޮޑެތި ޖަލްސާ ތަކުގައި މޮޅެތި ވާހަކަ ދައްކަމުން ދިޔަ މަންޒަރެވެ.

ނަތީޖާ އާއި ހަމައަށް އައި އިރު ފެނިގެން ދިޔައީ، އޭރު އެ ޖަލްސާ ތަކަށް ގެންގޮއްސައި ތިބި ރައްޔިތުންނަކީ ވެސް ރުުހުމުގައި ގޮސް ތިބި ބައެއް ނޫން ކަމެވެ. ގޮނޑިތައް ފުރުމަށްޓަކައި ސަރުކާރުގެ މަގާމްތަކުގައި ތިއްބެވި ބޭފުޅުން ގެންގޮސް މުޅި ސަރަހައްދު ފުރާލައިފައިވާ މަންޒަރެވެ. ނަތީޖައިން އެކަން ވަރަށް ސާފުކޮށް ހާމަވެގެންދިޔައެވެ.

ސަރުކާރާއި އިދިކޮޅު ޕާޓީ ކަމަށްވާ، އެމްޑީޕީގެ ކެންޑިޑޭޓަށް ކާމިާބު ލިބުމުން އޭގެއިންވެސް އެ ފެނިގެން ދިޔައީ ރައީސް ޔާމީން ނެތް ކަމުގެ ނަތީޖާ ކަމުގައި ގިނަ ބަޔަކު ފާހަގަކުރެއެވެ. ނަމަވެސް ބަލި ގަބޫލު ނުކޮށް ރައީސް ޑރ މުއިއްޒުގެ އެޑްވައިޒަރު ވިދާޅުވީ އެހާ ބޯޑު ފެއިލްއެއްވީ ރައީސް ޔާމިން ނެތުމުންނެއް ނޫން ކަމުގައެވެ. އެމަނިކުފާނު ވިދާޅުވީ އެއްގޮތަކަށްވެސް އެކަން ގަބޫލު ކުރެވޭކަށްނެތް ކަމަށެވެ. މިއާއެކު، އަދުރޭ ވަނީ އިންތިޚާބުން ބަލިވީ ތައްޔާރު ނުވެވި، އެކަމަށް މަސައްކަތް ނުކުރެވުމުން ކަމަށް ތަކުރާރުކޮށް ވިދާޅުވެފަ އެވެ. އަދި އެކަމަށް ޕާޓީގެ މެންބަރުންގެ ކިބައިން މަޢާފަށް އެދިވަޑައިގެން، އެކަން ތަކުރާރު ނުވާނެ ކަމަށް ވެސް ވިދާޅުވެފައިވެއެވެ.

ނަމަވެސް މި ހުރިހާ ކަމަކުން ފާހަގަވެގެން ދިޔައީ ރައީސް ޔާމިން ނެތުމުން އެ ކޯލިޝަނަށް އަންނަމުންދާ ބަދަލުތަކެވެ. ކުރިމަތި ލާން ޖެހޭ ފެއިލިއާސް ގިނަވަމުންދާ ކަމެވެ. ތައްޔާރު ވާނީ އަދި ކިހާ ދުވަހެއް ދިނީމަތޯ ކެންޑިޑޭޓް ހޮވޭ ވަރު ވާނީ؟

ރައީސް ޔާމީންގެ ފަހަތުގައި އެތައް ދުވަހެއް ވަންދެން ރީތިކޮށް އުޅުމަށްފަހު ބޮޑެތި މަގާމްތަކެއްގެ ދަހިވެތިކަމުގައި އަމިއްލަ އަށް ދެކެވުނު ވާހަކަ ތަކާއި ދެކޮޅު ވެވުނީމަ ވަރަށް ހުތުރެވެ. ފެންނަމުންދަނީ އެއްވެސް އިހުލާސްތެރިކަމެއް ނެތް ބައެއްގެ ގޮތުގައެވެ. ގަބޫލު ކުރަން ދަތިވި ނަމަވެސް ރައީސް ޔާމީންގެ ތާއީދު ނެތްކަމުގެ ތަން ވަރަށް ބޮޑަށް ދައްކައިފިިއެވެ.