އިސްލާމީ އަގީދާ އާއޮ ބެހޭ އިލްމީ ދެވަނަ ދައުރާއަށް ބައިވެރިވުމުގެ ފުރުސަތު ހުޅުވާލައިފިއެވެ.
އިސްލާމީ ކަންތައްތަކާއި ބެހޭ ވުޒާރާއިން މިއަދު ނެރެފައިވާ އިއުލާނެއްގައި ބުނެފައިވާ ގޮތުން މިއީ ސައުދީ އަރަބިއްޔާގެ އިސްލާމިކް މިނިސްޓްރީ އާއި ދިވެހިރާއްޖޭގެ އިސްލާމީ ވުޒާރާއިން ގުޅިގެން ބާައްވާ ދައުރާއެއް ކަމަށެވެ.
ޖުލައި 9-10 އަށް ބާއްވާ މި ޕްރޮގްރާމްގައި ބައިވެރިވުމަށް އިސްލާމިކް މިނިސްޓްރީގެ ފޭސްބުކް ޕޭޖްގައި ހުޅުވާލެވިފައިވެއެވެ.
މި ފޯރަމްގައި އިސްލާމްދީނުގެ އަގީދާއާއި ބެހޭގޮތުން މުހިއްމު މައުލޫމާތުތައް ފޯރުކޮށްދޭން ހަމަޖެހިފައިވާ ކަމަށް އެ ވުޒާރާއިން ހާމަކޮށްފައިވެއެވެ. އަރަބި މީޑިއަމް އަށް ކުރިއަށްދާ މި ފޯރަމް އޮންނާނީ އިސްލާމިކް މަރުކަޒުގެ ޖަލްސާ ކުރާ މާލަމުގައެވެ.
