ސަރުކާރުގެ ޚަރަދުތައް އިތުރުވެ ބަޖެޓަސް ނުކަތަމުންދާތީ ޚަރަދުކުރުމުގެ ސިޔާސަތެއް ފައްޓަވައިފިކަން ހާމަކުރުމަށް ފަހި ރައީސް ޑރ. މުހައްމަދު މުއިއްޒުގެ ސަރުކާރުން އަނެއްކާވެސް ސިޔާސީ މަގާމަކަށް ބޭފުޅަކު އައްޔަންކޮށްފިއެވެ.
އެގޮތުން މި ފަހަރު ބޭފުޅަކު އައްޔަންކޮށްފައިވަނީ އެންވަޔަރަންމަންޓު މިނިސްޓްރީގެ ޑެޕިއުޓީ މިނިސްޓަރަކަށެވެ. އެމަގާމަށް އައްޔަންކޮށްފައިވަނީ ނެޓްބޯލް އެސޯސިއޭޝަންގެ ރައީސްގެ މަގާމުގައި ހުންނެވީ ފަޒުނާ ޖަލީލެވެ.
އެންވަޔަރަމެންޓު މިނިސްޓްރީގެ ވެބްސައިޓުގައި ޝާއިއުކޮށްފައިވާ މައުލޫމާތުން އެނގޭ ގޮތުގައި އެ މިނިސްޓްރީގައި މިހާރު ވެސް ޖުމުލަ 46 ސިޔާސީ މުވައްޒަފުން އެބަ ތިއްބެވި އެވެ. ފަޒުނާއާއެކު އެ އަދަދު 47 އަށް އަރާނެ އެވެ.
އެންވަޔަރަމެންޓު މިނިސްޓްރީގެ ސިޔާސީ މުވައްޒަފުންގެ ގޮތުގައި ތިއްބަވަނީ
ޑެޕިއުޓީ މިނިސްޓަރަކަށް މުސާރަ އާއި އިނާޔަތުގެ ގޮތުގައި މަހަކު 31،500ރ. ލިބެއެވެ.
އެންވަޔަރަންމަންޓު މިނިސްޓްރީއަށް ނައިބަކު އައްޔަންކޮށްފައި މިވަނީ ސަރުކާރުގެ ޚަރަދުތައް ކުޑަކުރުމަށް ސިޔާސީ މަގާމުތައް މަދު ކުރާނެ ކަމަށް ރައީސް މުއިއްޒު ވިދާޅުވެފައިވާ ދަނޑިވަޅެއްގައެވެ.
