މި އަހަރުގެ ފުރަތަމަ ތިން ހަފްތާގައި ޗައިނާއިން އަންނަ ފަތުރުވެރިން އިތުރުވެފައިވާކަމަށް ތަފާސްހިސާބުތަކުން ދައްކައިފިއެވެ.

ފަތުރުވެރިކަމާއި ބެހޭ ވުޒަރާއިން އާންމުކޮށްފައވާ ތަފާސްހިސާބުތައް ދައްކާގޮތުން މި މަހުގެ 21 ވަނަ ދުވަހާއި ހަމައަށް ރާއްޖެއަށް 128،548 ފަތުރުވެރިން އައިސްފައިވާއިރު، މިއީ މިދިޔަ އަހަރުގެ މި މުއްދަތާ އަޅާކިޔާއިރު، 11 އިންސައްތައިގެ ކުރިއެރުމެއްކަމަށް ފާހަގަވެއެވެ.

މިދިޔަ އަހަރުގެ މި މުއްދަތުގައި ރާއްޖެ އައިސްފައި ވަނީ 115،187 ފަތުރުވެރިންކަން ފާހަގަކޮށްލެވެއެވެ.

ރާއްޖެއަށް އެންމެ ގިނައިން ފަތުރުވެރިން އަންނަ ކަަމަށް ދައްކަނީ ރަޝިޔާއިންނެވެ. އެ ގައުމުން ރާއްޖެއަށް 14،495 ފަތުރުވެރިން އައިސްފައިވެއެވެ.

ދެވަނައިގައި އޮތީ އިޓަލީއެވެ. އެ ގައުމުން ރާއްޖެއަށް 13،965 ފަތުރުވެރިން އައިސްފައި ވެއެވެ.

ތިންވަނައިގައި އިނގިރޭސިވިލާތު އޮތްއިރު 10،689 ފަތުރުވެރިން އައިސްފައިވެއެވެ.

އެ ލިސްޓްގެ ހަތަރުވަނައަށް ނަޒަރު ހިންގާލާއިރު ހަތަރު ވަނައިގައި އޮތީ ޗައިނާއެވެ، އެ ގައުމުން 10،113 ފަތުރުވެރިން] ވަނީ އައިސްފައެވެ.

މީގެ ކުރިން ލިސްޓުގެ ތިން ވަނައިގައި އޮތް އިންޑިއާ އޮތީ ލިސްޓުގެ ފަސް ވަނައިގައެވެ. ބޮއިކޮޓް ކުރުމަަށް ގޮވާލުމަށްފަހުވެސް އެ ގައުމުން ރާއްޖެއަށް މިހާތަަނަށް 10،113 ފަތުރުވެރިން އައިސްފައި ވެއެވެ.