ރައީސް ޔާމީން އަބްދުލްގައްޔޫމަށް އެންމެ ބޮޑު އަނިޔާ އެއް ނުވަތަ ހަމަލާ އެއް ދިނީ ރައީސް ޑރ. މުހައްމަދު މުއިއްޒު ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު ވިދާޅުވެއްޖެއެވެ.
ޑރ ޖަމީލް މިިފަދައިން ވިދާޅުވެފައިވަނީ ބުރާސްފަތި ދުވަހުގެ ރޭ ފްރޮންޓް އޮފީހުގައި ކުރިޔަށްދިޔަ ޖަލްސާގައި ވާހަކަދައްކަވަމުންނެވެ.
އެގޮތުން ރައީސް ޔާމީން އަށް އެންމެ ބޮޑު އަނިޔާދިން ފަރާތަކީ ޑރ. މުއިއްޒު ކަމަށް ވިދާޅުވަމުން އެ އަނިޔާ ޑރ. ޖަމީލް ސިފަކުރެއްވީ އެއީ "ހޮޅިން ދިން ފަދަ ހަމަލާ" އެއްގެ ގޮތުގައެވެ.
ރާއްޖޭގެ ތާރީޚްގައި އެންމެ އުނދަގޫ ކުރި އެއް ބަޔަކީ ހޮޅިން..ހަމަ އެފަދަ ބޮޑު ހަމަލާ އެއް ހޮޅިން ދިން ފަދަ ހަމަލާއެއް، ރައީސް ޔާމީނަށް ޕީއެންސީ ގެ ފަރާތުން މުއިއްޒު ދީފައިވަނީ
ޑރ ޖަމީލް ވިދާޅުވިއެވެ.
ވެރިކަން ބަދަލު ކުރުމަށްޓަކައި ޕީޕީއެމް/ޕީއެންސީގެ އާންމު މެމްބަރުން ކުރި ބުރަ މަސައްކަތް އެއްޗަކަށް ނުހަދާލާ މިއަދު ސަރުކާރުގެ ބޮޑެތި މަގާމްތައް އާއިލީ ފަރާތްތަކަށް ބަހާ ހުސްކުރާ ކަމަށް ވެސް ޑރ ޖަމީލް ވިދާޅުވިއެވެ.
އަދި އޭގެއިތުރުން މި ސަރުކާރުން ހިންގަމުންދާ ކޮރަޕްޝަންތަކުގެ މައްސަލަ ބެއްލެވުމަށްެވެސް އެމަނިކުފާނު ވަނީ ގޮވާލާފައެވެ.
