މާލޭގެ ސްޕާއެއްގެ ތެރޭގައި ހަށިވިއްކަމުން ދިޔަ މައްސަލައިގެ ތުހުމަތުގައި ހައްޔަރުކުރި ހަތަރު މީހުންގެ ތެރެއިން ދިވެހި ފިރިހެން މީހާ ދޫކޮށްލައި، ތައިލެންޑް ތިން އަންހެނުން ބަންދުކޮށްފިއެވެ.

މިދިޔަ ބުދަ ދުވަހުގެ ރޭ މި މައްސަލަ އާއި ގުޅިގެން ހައްޔަރުކޮށްފައިވަނީ 55 އަހަރުގެ ދިވެއްސަކާއި، ތައިލޭންޑަށް ނިސްބަތްވާ ތިން އަންހެނުންނެވެ. އެއީ 30 އަހަރުގެ ދެ އަންހެނުންނާއި 28 އަހަރުގެ އަންހެނެއް ކަމަށް ފުލުހުން މައުލޫމާތު ހާމަކޮށްފައިވެއެވެ.

ފުލުހުންގެ ހިދުމަތުން ރޭ ބުނީ މި މައްސަލައާ ގުޅިގެން ހައްޔަރުކުރި މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން، ޝަރުތުކުރުމަށް ފަހު ފިރިހެން މީހާ ދޫކޮށްލުމަށާއި ތައިލޭންޑުގެ ތިން އަންހެނުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށެވެ.

ފުލުހުން ދަނީ މި މައްސަލަ އިތުރަށް ބަލައި ތަހްގީގުކުރަމުންނެވެ.