އިންވޭސިވް މެނިންގޯކޮކަލް (މެނިންޖައިޓިސް) ވޭދަނަ އާއި ގުޅިގެން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ގާތުން އެއްވި މީހުން ހޯދުމުގެ މަސައްކަތް ނިމުނުއިރު ފާހަގަވާ އެ ބަލީގެ އިތުރު ވޭދަނައެއް ނެތް ކަމަށް އެ އެޖެންސީން ހާމަކޮށްފިއެވެ.

އެޗްޕީއޭއިން ބުނީ މެނިންގޯކޮކަލް ވޭދަނައާއި ގުޅިގެން ކުރެވުނު މަސައްކަތް މިހާރު ނިމިފައިވާ ކަމަށާއި ބަލި ޖެހުނު މީހަކާއި އެއްވި ކޮންޓެކްޓުންނަށް ބޭސް ދީފައިވާ ކަމަށެވެ.

މެނިންޖައިޓިސް ބަލި ފެތުރެނީ ނޭވާލާ ނިޒާމުގެ ޒަރީއާއިން ކަމަށް އެޗްޕީއޭއިން ވަނީ ބުނެފައެވެ.

އަދި ބަލި ޖެހިފައިވާ މީހާއާއިއެކު އެންމެ ގާތްކޮށް އުޅޭ ފަރާތްތަކަށް ބަލި ޖެހުމުގެ ފުރުސަތު ބޮޑު ކަމަށް ވެސް ވަނީ ބުނެފައެވެ.