މާލޭގައި އެއް ދަންފަޅިއަށް ކިޔަވައިދޭ ސްކޫލުތަކުގެ ތެރެއިން އިޒުއްދީން ސްކޫލު ހިމެނޭ އިމާރާތް ވިޔަފާރިވެރިޔާ މަހުޖަނު ގާސިމް އިބްރާހިމަށް ދޭން އުޅޭކަމުގެ އަޑުަތއް ގަދަވެފައިވަނިކޮށް ތިމަރަފުށި ދާއިރާގެ ކުރީގެ މެމްބަރު މުހައްމަދު މުސްތަފާގެ ތުހުމަތުތަކެއް އަމާޒުކޮށްފިއެވެ.
މުސްތަފާ އޭނާގެ އެކްެސްގައި ކުރެއްވި ޕޯސްޓެއްގައި ވިދާޅުވީ، ވިލާ ހައި ސްކޫލާ އިންވެގެން ހުރި އިއްޒުއްދީން ސްކޫލުގެ އިމާރާތް ހިމެނޭ ބިން ފޭރިގަތުމަށް ފަހު މިހާރު ގާސިމް ގެންދަނި ދަނާލު ހުރި ބިންވެސް ފޭރިގަންނަން ކަމަށެވެ. އަދި އެ ސަރަހައްދުގައި ހުރި ސަރުކާރުގެ ހުރިހާ ބިމެއް ޖަހައިގަތުމަށް ގާސިމް ދަނީ މަސައްކަތްކުރަމުން ކަމަށް މުސްތަފާ ތުހުމަތުކޮށްފައިވެއެވެ.
މުސްތަފާ މިފަދަ ތުހުމަތުތަކެއް ކޮށްފައި މިވަނީ ވިލާ ކޮލެޖަށް ދާދި އަވަހަށް ޔުނިވާސިޓިއެއް ދަރަޖަ ދޭން ނިންމާ، އެ ކޮލެޖުގައި ކިޔަވަން ރާއްޖެއިން ބޭރުން ކުދިން އަންނާނެހެން ސުޓޫޑެންޓު ވިސާ ދޫކުރުމަށް ވެސް އެދިފައި ކަމަށް އަޑުތައް ގަދަވެފައިވާ ދަނޑިވަޅެއްގައެވެ.
މީގެ އިތުރުން ވިލާގެ ކެމްޕަސް ބޮޑުކުރުމަށް ވިލާއާ އިންވެގެން އޮންނަ އިޒުއްދީން ސްކޫލުގެ ގޯއްޗާ އިމާރާތް ދިނުމަށް ނިންމާފައިވާ ކަމަށްވެސް ބުނެފައިވެއެވެ.
